مرحبا صبايا و شباب
اليوم موضوعي هو عن كسر الروتين في الحياه اليوميه
و طبعا كل واحد منا عنده روتين في حياته احيانا يحس بالملل الشديد منه و احيانا عادي يسبب له الاكتئاب الشديد و سرعة العصبيه و الضيق
الموهيم قريت في مجله اجنبيه كمن شي نقدر نسويهم و صح انهم اشياء بسيطه و ممكن في اول وهله يبينون انهم اشياء سخيفه بس صدقوووني هالاشياااء تأثر تأثير كبير في كسر النظام و اسأل مجرب و لا تسأل طبيب
- اشتري مجله انت غالبا ما تقرا مجلات من هالنوعيه..و دوم تشوفها على الستاند و تقوول شكلها ممتعه..بس باخذ مجلتي المفضله احسلي…هالمره جرب و خذ المجله اللي دوم تشوفها بس ما جد فكرت تشتريها
- جرب تاكل شي متعود تاكله و لكن بطريقه مختلفه..مثلا اضيف الفراوله او الفواكه المجففه للكورن فلكس… او كسر البسكوت المملح في الشوربه << اعرف ان في ناس يسوون هالاشياء من قبل..و لكن للي ما جربووها خل يجربونها..طبعا هاي امثله و فكروو في وايد غيرها.. يعني انا مثلا احب اكل خبز رقاق ويا بيض مع ” شكر” ههههههههه وايدين يستغربوووون بس انا يعيبني ..و ربيعتي تغط صمونة الجبن في عصير البرتقال ..يعني الامور طيبه بس سوو اللي يعيبكم..لكن لا تخلون حد يشوفكم هههههههههاي و اذا شافوكم ماعليه عقوها في راسي لووول
- غير تسريحة شعرك..يعني اذا بنيه متعوده تسوين قمبوعه..غيري و سوي عقص ..و بالنسبه للشباب سيرو قرعو لووول لا اتمصخر ..يعني اذا متعود دوم تخلي لحيه كامله سير غير و سو قفل..و في بعض الروايات سكسوكه .. و اللي شعره قصير يطوله و اللي شعره طويل يقصه الخ الخ الخ المهم غيرو الشكل الخارجي
- و بدال ما طول الوقت مشغلين الايبود او اليوتيوووب او السي دي في السياره..حطوو الاف ام .. و ما اقصد الخليجيه ..اقصد قناة الاخبار او شي مب متعودين تسمعونه..ثقفوا عماركم شوي و غيرو الروتين اللي دوم تسمعونه سواء كان اغاني او اناشيد..وقفوا شوي و سمعو شي مختلف تماما..و يستحسن تسمعون قران بعد او تحطون نور دبي او قناة القران تتثقفون في دينكم
- اللي عنده شبريه عوده بو نفرين يحاول مره يرقد على الصوب الثاني ..يعني انا متعوده دوم ارقد على الصوب اليمين من الشبريه ..يوم رقدت على الصوب الثاني صدق يوم نشيت حسيت بأحساس مختلف..جربوووو برووحكم و بتشوفووون
- اذهب الي شخص من عائلتك او من اصدقائك تحترمه جدا و لكن ما توافق دوم على افكاره او ذوقه مختلف عنك و تسلف كتاب من كتبه المفضله و اقراه..بتفتح مخك على اشياء يديده
- هاي النقطه مهمه جدا..الا و هي ..شل لابتوبك و غير مكانك..اذا انت في الحجره سير ايلس في الصاله..و بالعكس ..و اذا النت عندكم قوي سير ايلس في الحوي ..تغيير البيئه حواليك وايد بيغير من نفسيتك
- المره اليايه بتطلعين مع ريلج مطعم ..انتي اختاري له الاكل اللي بياكله و خل هو يختارلج الاكل بدون ما الثاني يعرف شو الاختيار لين ما يوصل الاكل..طبعا تقدرون تسوونها مع اصدقائكم..شي يديد
- اشتر شي من زمان خاطرك فيه بس دوم تأجل او تقول ما يحتاي و الناس دوم يقولولك هالشي سخيف ..دراجه مثلا او سياره ريموت كنترووول او بنطلون جينز مطرطر ..و بالنسبه للبنات نعال جلد الفهد مثلا..او جاكيت اخضر فسفوووري..كل انسان في هالدنيا في شي سخيف و تافه يعيبه و لو شافوه الناس بيضحكون..ما عليكم من حد و سيرو خذوه..يوم بتعرفون هالشي ملككم بتحسون بالراحه مهما كان هالشي تافه في عين غيركم..المهم عايبنكم
- دايما في شخص تحس انه سوالف و فنان سواء كان في الدوام او في المنتدى او وين ما يكوون ..خذ الخطوه الاولى و اعزمه على كوفي و الا اي شي و شووفه برع بيئة العمل يمكن يكون هالانسان في المستقبل من اعز اصدقائك
- اذا مب مشارك في جيم رياضي..سير شارك باجر..اذا مشارك باجر ازقر الترينر و خله يعلمك حركات رياضيه يديده..و نفس الشي بالنسبه للبنات …و اقل شي لو تبتدون تمشووون في الفريج اذا كنتو مووول ما تتحركون
- خذ من وقتك يوميا على الاقل نص ساعه عشان تيلس مع الاطفال..شوف الحياه من منظورهم البرئ و خلهم يسولفووون عليك ..ترا هالشي وايد يريح البال
و الصراحه تعبت و انا اقرا و اترجم و ارد اكتب بصياغتي …و تريو الجزء الثاني من الموضوع اذا عيبكم هذا الجزء
و قولولي الحمدلله على السلامه انا اليوم طايحه مرتين..مره زلقه اكروباتيه عجيبه على الدري..و المره الثانيه شقلبه بهلوانيه من فوق الشبريه الى الارض السيراميكيه ههههههههههههاي ماعرف شو سالفتي اليوم الميزانيه متخلخله لوووول
اشتري مجله انت غالبا ما تقرا مجلات من هالنوعيه..و دوم تشوفها على الستاند و تقوول شكلها ممتعه..بس باخذ مجلتي المفضله احسلي…هالمره جرب و خذ المجله اللي دوم تشوفها بس ما جد فكرت تشتريها
قلت بغير الروتين…شريت كتاب من اسبوع…لين الحين في الجيس محطوط فالسيارة
..
فعلا تغيير نمط الاكل يعلب دور…..خلاص بدور اليوم مطعم صيني يسوون صراصير مشوية..وضفادع بالبقسم..وسحالي مقلية
غير تسريحة شعرك..يعني اذا بنيه متعوده تسوين قمبوعه..غيري و سوي عقص ..و بالنسبه للشباب سيرو قرعو لووول لا اتمصخر ..يعني اذا متعود دوم تخلي لحيه كامله سير غير و سو قفل..و في بعض الروايات سكسوكه .. و اللي شعره قصير يطوله و اللي شعره طويل يقصه الخ الخ الخ المهم غيرو الشكل الخارجي
واللي عنده مشكلة بالتصحر شوي يسوي
بس قبل دوم كل 3 شهور تقريبا كنت اغير..مرة سكسوكه ومرة لحيه..
و بدال ما طول الوقت مشغلين الايبود او اليوتيوووب او السي دي في السياره..حطوو الاف ام .. و ما اقصد الخليجيه ..اقصد قناة الاخبار او شي مب متعودين تسمعونه..ثقفوا عماركم شوي و غيرو الروتين اللي دوم تسمعونه سواء كان اغاني او اناشيد..وقفوا شوي و سمعو شي مختلف تماما..و يستحسن تسمعون قران بعد او تحطون نور دبي او قناة القران تتثقفون في دينكم
كل دقيقة اغير القناة…
اللي عنده شبريه عوده بو نفرين يحاول مره يرقد على الصوب الثاني ..يعني انا متعوده دوم ارقد على الصوب اليمين من الشبريه ..يوم رقدت على الصوب الثاني صدق يوم نشيت حسيت بأحساس مختلف..جربوووو برووحكم و بتشوفووون
شبريتي سوبر كينج سايز..وانا ما اعرف ارقد الا على يمين الشبريه !…بس اهم شي الجو اعتدل وما اشغل مكيف..ارقد وانش مرتاح….جيوب انفية ومكيف مصيبة…
اذهب الي شخص من عائلتك او من اصدقائك تحترمه جدا و لكن ما توافق دوم على افكاره او ذوقه مختلف عنك و تسلف كتاب من كتبه المفضله و اقراه..بتفتح مخك على اشياء يديده
هممممم….
هاي النقطه مهمه جدا..الا و هي ..شل لابتوبك و غير مكانك..اذا انت في الحجره سير ايلس في الصاله..و بالعكس ..و اذا النت عندكم قوي سير ايلس في الحوي ..تغيير البيئه حواليك وايد بيغير من نفسيتك
في البيت ما احب استخدم الا ديسكتوب..اللابتوب حاطنه في السيارة حق الكوفي شوب…
المره اليايه بتطلعين مع ريلج مطعم ..انتي اختاري له الاكل اللي بياكله و خل هو يختارلج الاكل بدون ما الثاني يعرف شو الاختيار لين ما يوصل الاكل..طبعا تقدرون تسوونها مع اصدقائكم..شي يديد
ريلي ؟
..ما في خرمه 
نفر عزوبي
اشتر شي من زمان خاطرك فيه بس دوم تأجل او تقول ما يحتاي و الناس دوم يقولولك هالشي سخيف ..دراجه مثلا او سياره ريموت كنترووول او بنطلون جينز مطرطر ..و بالنسبه للبنات نعال جلد الفهد مثلا..او جاكيت اخضر فسفوووري..كل انسان في هالدنيا في شي سخيف و تافه يعيبه و لو شافوه الناس بيضحكون..ما عليكم من حد و سيرو خذوه..يوم بتعرفون هالشي ملككم بتحسون بالراحه مهما كان هالشي تافه في عين غيركم..المهم عايبنكم
ياي عبالي اسير اسوي شوبينج واشتري بناطلين جينز وهالسوالف…من يومين مجنز ..تغير جو
دايما في شخص تحس انه سوالف و فنان سواء كان في الدوام او في المنتدى او وين ما يكوون ..خذ الخطوه الاولى و اعزمه على كوفي و الا اي شي و شووفه برع بيئة العمل يمكن يكون هالانسان في المستقبل من اعز اصدقائك
بنشوف..
اذا مب مشارك في جيم رياضي..سير شارك باجر..اذا مشارك باجر ازقر الترينر و خله يعلمك حركات رياضيه يديده..و نفس الشي بالنسبه للبنات …و اقل شي لو تبتدون تمشووون في الفريج اذا كنتو مووول ما تتحركون
عندي اشتراكيه في فيتنيس فيرست من 2007 ويتجدد سنويا على حساب الدوام…ما دخلته الا مرة بس صورت حق البطاقة وطلعت.. ولين اليوم ما شافوني
..كل مرة اقول باجر 
خذ من وقتك يوميا على الاقل نص ساعه عشان تيلس مع الاطفال..شوف الحياه من منظورهم البرئ و خلهم يسولفووون عليك ..ترا هالشي وايد يريح البال
ماشي اطفال بالبيت..اصغر واحد 28 سنة
..ماشي الا عيال اخواني..
..البارحة قلت بغير الروتين وبروح مول بن بطوطه ( ما داخلنها من سنتين) بتعشا وبدخل السينما…يا ريتني ما طلعت…
على دوار الخيل..كنت باخذ لفة مول الامارات… شاحنة من السيد الاول قرر يكمل سيده وما يلف..والسيارة اللي حذالها فجأة عفدت في في سيدي ولفت وانا ما كان لي حل غير اني الف الدوار من اول…ارتفع ضغطي ووصل 500 وعصبت وليش ما ( طوووووووووووط ما بكمل
)
..المهم خذت شارع الشيخ زايد…وصلت جسر اللي يودي لـ بن بطوطه مول…..3 كيلو سيارات واقفه على شارع الشيخ زايد كلهم يبون يلفون على جسر اللي يودي مول بن بطوطه..ارتفع ضغطي ووصل 1000…..طبعا ما وقفت كملت سيده قلت باخذ المخرج اللي عقبه…..
شوي جدام الا حادث وزحمة..ارتفع ضغطي ووصل 1500…المخرج اللي عقبه..نفس الوضع زحمة فظيعة..ارتفع ضغطي ووصل 2000….كملت سيده لين ما وصلت جبل علي …
)
من جبل علي رديت لـ دبي…في الرده زحمة خايسه..تميت اسب يوم الي طلعت فيه.. خخخخخخخ…..ويتني مكالمة حد من الاهل مسوي حادث وتعال شل الاغراض من السيارة ( شارين اغراض من الجمعية فوق 25 جيس..وقوطي ديتول ناقع ومخيس نص الاجياس..حطيتهم في الدبه…الحين سيارتي تروح ديتول
….كاتب قصة حياتي خخخ….
شفتي…واحد يتم على روتينه احسن له
بلا حب بلا وجع قلب…
دبي بيبي
شـكــ وبارك الله فيك ـــرا لك … لك مني أجمل تحية .
افكار حلوة
انا اليوم غيرت في الروتين شوية
طلعت من البيت لين الدوام امشي ريووووس
لوووووووووووووووووووووووول
بندي النت واطلعي رحلة برية يومين مافيها لاbb ولا لاب توب ولا شي
يتردي مرتاحة ومغيرة حياتج
بنجرررررررررررررررب؟؟؟
مشكووووره ع النصايح الغاليه وفعلن محتاجيين نغيير روتيين حياتنا اليومي الممل
صح صدقج …انا ما احب البس اخضر وبنفسجي الحين اشتريهم بس عشان احل المشكله…..يعني انسوي الاشياء اللي ماكنا انسويهم مثل انسير مكان ماسرناله من سنين ………