السلام عليكم ورحمة الله وبركاته

مـساءـكم / صـباحـكم طاعه و مغفره من الذنوب

يا الربع اانا موظف في شركه تابعه لأدنوك وحاولت أكمل دراستي من 6 سنوات و كل مره يقولون لي أسمك ما ظهر !!

لأن الموضوع فيه واسطات قويه وانا ما عندي واسطه .. حاولت و راكظت يمين و يسار من مسؤول لـمسؤول لكن كأني كنت أخاطب الكراسي وليس من كان يجلس عليها !!..

فما لي حل غير الدعاء والسعي .. الدعاء و الحمدلله دايما أدعي لكن السعي للشيخ محمد بن زايد و مقابلة ابو خالد كيف الطريق لها يا شباب ؟!!

هل أطرش له رساله أو أدخل عليه و شلون أدخل عليه ..

و السموحه عالمغثه لكن أعتبر موضعي ها تنفيس عن ما يجول في داخلي ^^

32 thoughts on “كيف أقابل الشيخ محمد بن زايد ؟!!”

  1. في أي شركة تشتغل ياخويه ؟

    وأنا أأيد الإخت اللي قالت سر عند الـ Gm واطلب مقابلته……وباذن الله بتكون من ضمن المقبولين

  5. روووح وتوكل على الله وبخالد مايرد حد

    وخاصتن أنك تريد تدرس ماتريد بيت ولا تسديد قرض صدقني بيفرحبك

    فيه ناس بنعمه ما مقصر وياهم
    وبعدين هذا من حقك

    رتب الطلب وأن شاءالله مابترد خايب عند عيال زايد
    مراات يمكن تحصل الشيخ منصور ولا حمدان وهزاع كلهم خير وبركه

    من عند الباب قولهم طلبك لاتقوول بسلم بس لأنه يبدوون ألي في حايه
    ولاتتعب من أول مره أصبر لين ربك يناديلك بخير

    رووح الله يوفقك وتكمل درااستك

    أذا طولت السالفه راسلني

Comments are closed.