السلام عليكم ورحمة الله وبركاته
مـساءـكم / صـباحـكم طاعه و مغفره من الذنوب
يا الربع اانا موظف في شركه تابعه لأدنوك وحاولت أكمل دراستي من 6 سنوات و كل مره يقولون لي أسمك ما ظهر !!
لأن الموضوع فيه واسطات قويه وانا ما عندي واسطه .. حاولت و راكظت يمين و يسار من مسؤول لـمسؤول لكن كأني كنت أخاطب الكراسي وليس من كان يجلس عليها !!..
فما لي حل غير الدعاء والسعي .. الدعاء و الحمدلله دايما أدعي لكن السعي للشيخ محمد بن زايد و مقابلة ابو خالد كيف الطريق لها يا شباب ؟!!
هل أطرش له رساله أو أدخل عليه و شلون أدخل عليه ..
و السموحه عالمغثه لكن أعتبر موضعي ها تنفيس عن ما يجول في داخلي ^^
حبيبي .. خذ الموضوع من تلاياه .. الشيوخ الله يطول بعمارهم مايقصرون .
وأن يت على سالفة دراسه .. خذ الدرب السهل .. مر قصر الشيخ نهيان بن مبارك الله يطول بعمره عقب صلاة العصر مباشره في برزته .. تعال ويلس حذال الشيخ وقول إللي بخاطرك وربك ماتنش من مكانك إلا وموضوعك منتهي ..
انت توكل على الله واذا الله كاتب لك ومقدر لك الخير تراك بتقابل الشيخ وان شاء الله تتيسر الامور
حلوووو .. بس يا هل ترى الأسامي تطلع بسرعه ولا معقد الموضوع شوي ؟!!
.. لأني أحاول أدخل عالشيخ و ارمسه قبل ما تبدأ الدراسه أن كتب لي ربي ^^
تروح من الساعه 1 الظهر عند بوابة القصر وتدخل وتسجل اسمك وتتريا لين بعد صلاة العصر وخلاف يزقرون عالاسامي وان شاء الله تكون بينهم , طبعا اذا اول مره تسير وتسجل لازم تشيل معاك خلاصة القيد والموبايل تخليه في السيارة ممنوع منعا باتا..
المهم بيصورونك وبيسجلون رقم موبايلك وبيسألونك عن سبب المقابلة ..خبرهم .
والمرات الياية يوم بتروح البرزه مايحتاي تشيل شي معاك برقم الموبايل بيظهرون بياناتك كلها
طبعا البرزه يوم الاحد والثلاثاء
والسموحة
الأحد والثلاثاء في قصره الله يطول بعمره