السلام عليكم ورحمة الله وبركاته
مـساءـكم / صـباحـكم طاعه و مغفره من الذنوب
يا الربع اانا موظف في شركه تابعه لأدنوك وحاولت أكمل دراستي من 6 سنوات و كل مره يقولون لي أسمك ما ظهر !!
لأن الموضوع فيه واسطات قويه وانا ما عندي واسطه .. حاولت و راكظت يمين و يسار من مسؤول لـمسؤول لكن كأني كنت أخاطب الكراسي وليس من كان يجلس عليها !!..
فما لي حل غير الدعاء والسعي .. الدعاء و الحمدلله دايما أدعي لكن السعي للشيخ محمد بن زايد و مقابلة ابو خالد كيف الطريق لها يا شباب ؟!!
هل أطرش له رساله أو أدخل عليه و شلون أدخل عليه ..
و السموحه عالمغثه لكن أعتبر موضعي ها تنفيس عن ما يجول في داخلي ^^
والله ليتني اروم اسير له
مواطنين ولا بيت ولا شي…بس الله كريم
ربي يوفقك يا خويه وييسر لك امورك
الله يوفقك ويسر امرك ان شاء الله
الله يرحم الشيخ زايد
والله يطول بعمر الشيخ خليفة بن زايد واخوانه الكرام
الحمد لله شيوخنا ما يقصرون ويعملون بتوفيق من الله على خدمة هذا الوطن وراحة مواطنيه
جزاهم الله خير الجزاء و وفقهم وسدد خطاهم وحفظهم وحفظ اماراتنا من كل شر
أخوي تقدر تسلم عليه في أوقات ثانيه، مب وقت البرزه.
إتأكد يا خوي إنك بفعلك هذا تحرم أو تأخر شخص غيرك محتاج لهالمقابله.
الله يوفقك اولا واخيرا
ثانيا الشيوخ مايقصرون ربي يحفظهم
يقول المثل العربي ( مامات من خلف ولد) الله يرحم بونا زايد ياب رجال متواضعين وكرماء ويسيرون على نهج بوهم الله يرحمه ،، بوخالد الله يطول في عمره زايد الثاني وخاصة في نصرة المواطنين ومساعدتهم وكل واحد سار صوبة مارد خايب وهذه شهادة من الكل سواء كان من مواطني ابوظبي او الإمارات الأخرى ، الله يطول في عمره ويحفظة في حله وترحاله .