اتوقع وايدين لاحظوا هالشي بس ساكتين .. بس انا لاعت جبدي كل مرة نفس المرة اللي طافت .. .
المهم السالفة ومافيها : كل مرة اسير اطلب طلبية من السيارة من عند كنتاكي توصلني ناقصة … قلت ما عليها يمكن عشان طلبية كبيرة والله يعينهم السيايير وايد والا ما ينقصون شيبس ولا بيبسي يالله مب مشكلة ..
اول مرة وجبة زنجر سوبريم كاملة ناقصة .. ثاني مرة 2 فرنش فرايز مب موجودات … وكل مرة شي .. وانا اقول في خاطري اكيد لاني اطلب طلبية كبيرة مساكين نسوا … والمشكلة ما تروم تشيك لانه وايد اكياس والناس واقفين وراك وفشلة ..
اخر مرة سرت وطلبت … يابلي الطلبية : اتفضلي حضرتك .
قلتله : اخوي انا كل مرة اخذ طلبية من عندكم لازم تكون ناقصة شي .. مستحيل اخذها كاملة بس للعلم
كنتاكي : اااااااااااه والله طيب حشيك على الطلبية دي حضرتك ..
ورد خذ الكيس من عندي … والله العظيم انه ما شاف داخل الكيس غير ثانية بس وطالعني وضحك .. وربع ياب كيسين شيبس وحطهن داخل .. انا هنيه انصدمت يعني كنت اتحراها مب مقصودة … بس بالله عليكم طلبية اقل شي فيها 15 كيس داخل كيف بتعرف عددهن وانته بطلت الكيس لحظة وسكرته … المهم انا هنيه تاكدت انه كان منقص متعمد واول ما عقيت عليه الرمسة سار وياب الباقي …
المهم اتحذروا ولا تسكتون عن حقكم …
صدق والله هالحركة تستوي ..
وانا استوتلي مرة ..
كنت طالبة delivery .. ويت الطلبية ناقصه البطاط .. واحتشرت عليهم بس شو الفايدة ماوصلوا الناقص
هذا لو سواها وانا اطلب من عندهم ..
انجان زخيته من رقبته وطلعته من الدريشة ..
احسن مطعم عندي الدجاج الجنوبي فيه بيتزا بالتوابل طعمها ممتاز
الكنتاكي مرض ..
أكله مب نظيف .. ومودرنه من زمان
انا اشوف أفضل مطعم للوجبات السريعه مكدونالدز
شرات ما نوهو أخوانا..هذه التغذية يسمونها جنك فود…
يعني تشبع بس ما تغذي ولا تفيد…….
بس أحيانا نشتهيها..من كثر الدعايات والإعلانات بالشوارع….!!!
وعن خاطرنا تكفينا مرة وحدة بالشهر…
كنتاكي….يفتقد للرقابة الصحية..ومعظم الأمراض اللي أصابت الأهل من تناولهم كنتاكي..
ماكدونالز والبيتزا أرحم…
بس حبيت أنصح…..!!!