أذكر يا جماعة الخير في الأيام الماضية قبل شهرين أو ثلاثة تقريباً يوم شفنا إعمار في أجواء 15 بدت الصيحات من كل جانب بان السوق مقبل على إنهيار !! ويوم نزل عن 15 ووصل إلى 14.25 صاحت التليفزيونات والجرائد والناس بان سوق دبي المالي إنهار !!؟؟
وين الصيحات الحينه أشوف محد قال (إنهيار) مثل ما إنقال قبل مع إنه الناس هم الناس والأسعار هي الأسعار والسيناريو هو السيناريو بس اللي إختلف الزمن !!!؟؟ وله خلاص سووا غسيل مخ وعودنا إنشوف إعمار وغيره في هاي المستويات … وله مخلين الصيحات يوم إنشوف إعمار وغيره يكسرون اللو السنوي..
أنا ما أباكم إتصيحون وإتقولون اللي قلتوه من قبل؟؟؟ بس حبيت أذكركم باللي صار والواحد ياخذ عبرة وما يلدغ من الجحر مرتين …
أخوكم بوعلي
هذه يسمونها مناعة مكتسبة اكتسبناها من حالة السوق سابقا و الحينه عادى عادى عادى حتى لو اعمار درهمين عادى عادى
كل شي مكتوب
والرزق مقسوم
رزقق بيجيك بيجيك ان شاء الله
واعمار بنبيعه على 30
واملاك بيبعه على 15
والله يرزق الجميع
أحيي فيك روح التفاؤل لكن صار رقم 30 لإعمار أشبه بالحلم اللي نتمنى انشوفه وإن شاء الله خير
والله يا اخوي اتعودنا على هالنزول … صار عادي ان انشوف اعمار بسعر 14 لكن اللي مب مألوف لنا إنا انشوف اعمار على 13 و 12 ويوم بيوصل لهذي الأسعار بنرد بنصارخ وبنقول السوق انهار
كل شي مكتوب
والرزق مقسوم
رزقق بيجيك بيجيك ان شاء الله
واعمار بنبيعه على 30
واملاك بيبعه على 15
والله يرزق الجميع
من كثر ما دقونا تعودنا
شويه يرتفع السوق بعدين يدقونه بعدين يردون يرفعونه اقل عن المره اللي قبلها
و بعدها يرفعونه شوي وعلى هالحال ويردون ينزلونه
الله المستعان