كاميرا للمراقبه الخادمات

20 thoughts on “كاميرا للمراقبه الخادمات”

1. يمكن ما تغسل الاشياء عدل ويتم فيها صابون

2. يا جماعه الي يعرف لا يبخل علينا

3. شكرا اخوي عالي المقامين على ردك الحلو

   تبا الصراحه انا ما كنت اشك في البشاكير لكن من يتني ها البشكاره و انا اشك فيها

   يعني مثلا تيبلي دله الجاهي كلها زباد من فوق و طعم الجاهي اول ما يت عادي
   الحينه طعمه غيره و معنه ممزور نعناع لكن ما فيه طعم النعناع

   اشك انا تسوي شي في الجاهي اذا فاهمني انته و ابا احطلها كاميرا و اخلي المدام في البيت تراقبها و تشوف شو تسويلنا هاي و بعدين بغيت اسالك اذا تعرف مكان في بوظبي يحلل الاشياء

   ابا اودي الجاهي احلله و اشوف شو فيه
   و شكرا

4. اخوي عالييين المقامي

   الواحد الحين صار ما يامن منهم دش يوتيوب وسوي سيرج عن الخدامات وشوف مصايبهم

   و لا الواحد ايبهم ب 6500 + الفحص الطبي و الفيزا كله يطلع فوق ال8500 واخر شي لو ما عيبتني اسفرها واخسر 8500 وعقب ايييب وحدة وانا مب ظامننها تيلس ولا تشرد ولا ما تبا تشتغل وارد اخسر لين ما احصل وحدة اوكيه ؟

   وترا كاميرات المراقبة مش ممنوعات ويبيعونهم في السوق الصيني لكن بس حق سنة وعقهم عقب وحتى مش ممنوعات في المنتدى ماشي قانون عن كاميرات المراقبة ومش ممنوعات حتى في الامارات
   والكاميرا سلاح ذو حدين يعتمد حق شو تبا تستخدمهم

   وبعدين كاميرات المراقبة مب غلط انا يالس في بيتي وانا احر احط كاميرات وين ما ابا ولا ما احط كاميرات عشان حظرة جنابهم

   اصلن لا نصايح ولا ظرب ولا شي يفيد فيهم يعني الاحسن خلك ساكت عنهم

   كل الناس تشتكي منهم ومصايبهم ما تخلص

   الا وحدة عندها تلفونين وتكلم ال بوي فريند و عندها 5 او 6 بطاقات وتلفون اونه عاطية المكتب عشان تبيين للمكتب ما عندها تلفون

   ولا وحدة عندها ناس في الدولة الي تشتغل فيها واذا ما ناسبها المكان تشرد وتسير تشتغل وين ما تبا

   و الله لو اتكلم من اليوم لين باجر ما تخلص سوالفهم

   اييون يتعلمون شهرين وعقب يشردون واخر شي منو الخسران ((المواطن)) ولا في قانون يادبهم ولا شي

5. ماعندي خبر عنها ..

   ولكن ليش يعني تبا اتراقب الخدّامه ؟؟؟

   وليش فالمطبخ ..

   يا خووي الاحسن ان تحسنوا الظن .. ولو شفت شي منها انصحها .. وكلمها بالصح والغلط ..

   ولو ما شي فايده .. سفرها وييب غيرها ..

   واعتقد انه اجهزة التنسط وكاميرا التجسس ممنوعة …

   وما اعتقد انه المنتدى يسمح ببيع مثل هذه الأشياء وتداولها …

   واذا ما خاب ظنّي انه اي واحد يعرض سلعه مخالفه على طووول ينحذف الموضووع ..

   واذا كررها تنشطب عضويته ..

   وبعد اظا ماخاب ظنّي عن اللي ينشدون أو يسألون عن الأشياء الممنوعه …

   وشكراً

   مع تحيات قسم التحريّات فالمنتدى …………………………

Comments are closed.