ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
لا حول ولا قوة إلا بالله
الله يعينكم ويشفي ولد اختج باسرع وقت
معقولة كل هاي ايصير في الامارات
وين اهلهم هذيله وين تربيتهم ؟
معقولة البطالة تسوي كل هذا؟
بعدين مب قادر استوعب انتي تقولين زخوهم قبل
ومسوين مشاكل وبطلوهم لييش؟؟؟ شو عندهم
من الواسطة هذيله الرغود ، انصحج اختي لا تسكتون
عن حقكم شو ما يكون واذا الشرطة ما سوت شي
وبتظهرهم بعد ما يمسكوهم عليح بوسائل الاعلام
حتى لو وصل الموضوع لوزير الداخلية ؟ والله العظيم
لو هالسالفة استوت لواحد من اهلى والشرطة ما
عاقبتهم صح لاذبحهم واحد واحد ؟
السلام عليكم ورحمة الله وبركاته ..
اول شىء .. حمد الله على السلامه .. وان شاء الله يقوم بصحه و عافيه ..
ثاني شىء .. هذه الظاهره منتشره في دبي والشارقه من فتره .. والشرطه مب قادره عليهم .. لو تفتحون Gulf News… بتسمعون سوالف تشيييب الراس .. كله ضرابات و سكاكين و عصابات .. وبالفعل واحد من الربع سار دبي و ظربوه و شلوا عنه البوك .. وثاني يوم .. سرنا موقع الحادث و تمينا نمشي و مروا مره ثانيه يبون يهفون !! و صارت الضرابه و اتصلنا في الشرطه !! و ما اعرف كيف فكوهم بعد اسبوع !!!! هل واسطه مب واسطه ما اعرف !!!!!!!!!!!
ومسوييين نفسهم عصابات و مسميييين نفسهم اسامي مال عصابات بوسكن ولا نيويورك ويا راسهم … حسبي الله ونعم الوكيل !!!
لا تتنازلوا عن القضيه .. ورايي توصلوها لوزير الداخليه الله يحفظه بيكون احسن .. وصدقوني بتحصلون رد طيب
حسبنا الله ونعم الوكيل
لا حول ولاقوة إلا بالله العلي العظيم
غريبة هالأحداث اللي تصير
هذيل المجرمين لزوم يتحاكموا
وهذه تعتبر جريمة شروع بالقتل
أختي سهوم الله شيفيه ويعافيه
ولا تتنازلوا عن حقكم … لزوم يتربوا هالخاسئين
وتقبلي تحيتي ومروري
أخوك .. عــــــــــــــــــــــــــــــــــوَّاد
حسبي الله ونعم الوكيل
الله يقومة بالسلامة ان شاءالله
كيف عرفت أنه مال الراشديه بيمشونهم بدمانهم .. أكيد أنته مال الراشديه .. وبعدين أحيدهم مال الراشديه مسالمييييييين مب شرانين ..