ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
تستاهلون سلامة الولد .. و اذا الحق عندكم تأكدوا إنكم راح تاخذونه ..
بس اختي سهمي عالي .. شو السبب الرئيسي اللي خلاهم يعتدون عليه ؟
لانج قلتي ان الحادثه صارت الساعه 9 ليلآ .. و جدام بيت ( ربيعه ) .. عيل وين كان ربيعه خلال 20 دقيقه او نص ساعه افتراضآ من وقت لما وقفوا له وصار الكلام وعقب الاعتداء وعقب سقوطه ملطخ بالدماء ؟
برغم انج قلتي انه يديد على الفريج لانه كان في بوظبي – وما عنده ربع ..
هل شكوا في تصرفاته أو إن حد مواشي عليه و متبلي عليه ..
أتمنى له السلامه و الشفاء العاجل و اذا في تطورات بالقضية لا تبخلين علينا …..
و ربنا يصبركم جميعآ و بالذات والدته
تستحقون سلامتة
ظاهرة فئة جديدة من الشباب من عمر 12 لين 18
وصخين بكل ماتحوية الكلمة من اجرام ووقاحة وقلة ادب
اذا الحكومة مادخلت واتخذت حل رادع وقوي حتى لو يوصل للاعدام
بتكبر السالفة وبتسير حرب شوراع وعصابات
انا شفت بعيني شباب يالسين يضربون واحد نزلت من السيارة ومسكت واحد زاخ حصاة باسكو مال شوارع يبا يرقع الولد اللي كان طايح في الشارع مدوخ مثل القطو يبا يضربة براسة
مسكتة في اخر لحظة
كل هاللوث من جنسيات يت البلاد في الفترة الاخيرة من بلدان مجاورة علمو الشباب حبوب الهلوسة والفوضة وغيرة
لا حول ولا قوة الا بالله
ان شاء الله الله بيقومه بالسلامه ومايشوف شر
يارب واللي عملوا هالعمله لا تتنازلون عنهم وخلوهم
عبره لغيرهم ودعواتكم يا جماعة الخير
ما يشوف شر ان شاء الله وان شاء الله يقوم بالسلامه
من كم يوم مغيرين مدير عام شرطة الشارجه ان شاء الله يسوي شي
احسن حل تحطون مسدس في السيارة ويكون عندكم ترخيص طبعا