السلام عليكم .. قرب الصيف و الناس تسافر انا عن طريق المطارات او عن طريق الحدود البريه .. و لكل من هذه المطارات حسنات و ايجابيات و ايضا هناك سيئات .. و ايضا للحدود البرية … فانا الهدف من موضوعي الجميع يشارك بتجارب فعلية حول مواقف و ذكرييات جميلة او غير جميلة او مواقف محرجة او معلومات تفيد الاعضاء حول المطارات اوم راكز الحدود البرية … حتى نستفيد من هذه التجارب .. وعلشان لا يمر الاعضاء باخطاء لانه كل دولة لها سياستها مثلا كحمل المبالغ الكاش … او المواد الغذائية وووو.. الخ ….
يعني نذكر الدولة و جهة السفر … و بعدها المطار وكيف كان التعامل .و فترة وصول الشنط و اجراءات ختم الجواز ؟؟. حتى اذا فيه معلومات سياحية عن جهة السفر او فندق زين ..و اسعارة مناسبة … ممكن تخبرونا عنه …
يعني نذكر الدولة و جهة السفر … و بعدها المطار وكيف كان التعامل .و فترة وصول الشنط و اجراءات ختم الجواز ؟؟. حتى اذا فيه معلومات سياحية عن جهة السفر او فندق زين ..و اسعارة مناسبة … ممكن تخبرونا عنه …
يعني هالموضوع بيكون تبادل المعلومات السياحية بين الاعضاء . يعني تتكلمون عن المطارات حجمها التعامل فيها سياستها … و الاجراءات …
ونا بخبركم عن السياحة ومطارات .. ( الهند بمبي – مطارات دول الخليج – لبنان – بانكوك – هولندا – باريس .. الخ
ننتظر مواقفكم …وتجارب سفركم مع المطارات …و النصايح الموجة لنا من خلال سفراتكم …
العفو ولد الفلاسي وحاظرييين لاي اسئله عن اوروبا او أمريكا والله يوفق الجميع
Adbd999
مشكووووووور عمي على المشاركة
صباح الخير .. بنتكلم عن مطار الهند بمبي … من زمان كان المطار عذاب يعني على اي شي يوقفونك و عرفون شو يبون .. بس من كم ..سنة الحمد الله … كل شي تمام … بس لو صار لك موقف .. و تعرضت للاسئلة … لانه هناك بيستهبلون عليكم .. خصوصا لو معاكم عائلة او كنتوا حريم … اهم شي ولا تنسون سووا عماركم ما تعرفون هندي ولا انجليزي .. يعني مووووووول سوا عماركم ما تعرفون شو السالفة … مب تنسون و صدقوني بيطوفونكم .. و تحملوا تقولون لهم تبون فلوس او بخشيش … مثل ما يقولون لكم الناس هنية … لانه لو عطيت واحد منهم الكل يبا و عقب ما تطلعون من المطار بتلقون دريشه فوققها لافته صفرا مال التاكسي .. تدفع عند 400 روبيس تاكسين بدون مكيف ولاتاخذون بو مكيف لانه خربان … اكيد …المهم يعطونك رقم الناكسي و تطلع برع المطار اتدور على رقم التاكسي .. و اي استفسارات عن بمبي حاضرين …..
السلام عليكم جميعا وموظوع يستاهل النقاش للاستفاده وبالنسبه للسفر بالجو وخاصه للندن أنصح الجميع بمايلي:
في حالة السفر من البلاد ماعندكم مشكله بس عند الوصول لبريطانيا يجب التأكد من الاغذيه المسموح بدخولها وبالنسبه للسجائر فقط في كل شنطه كرزين ويمنع بودرة الحليب…الخ
الاهم عند السفر من لندن وعشان ماتتلعوزون بالمطار يجب عدم لبس الحزام للسهوله عند التفتيش ووظع المواد السائله بكيس بلاستيك والكميه أقل من 100ملل. لان تفتيش المطارات باوروبا وخاصه بريطانيا يجب نزع الحزام والجواتي وأية مواد سائله والكمبيوتر المحمول بالتفتيش…
شخصيا أفظل أن اللبس لدول اوروبا يكون بالبنطلون والقميص بدلا من الكندوره وخاصه تفكير الاجانب المنحط بأننا ارهابيين. ومن الافظل معرفة عنوان السفاره بالبلد المقصود ودرجة حرارة الجو….
الله يوفق الجميع وانشاءالله تكون اجازه سعيده