السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
شكرا لج اختي شموخ على افكارج الحلوة
اوووه يا دوري اخيراً ..ماصدقت
اخويه نايف يزاك الله الف خير.. على قولت اخونا شكلنا ما نشتغل الا اذا في ديزل يشغلنا وانته ما تقصر تعطينا بداية الخيط ..الصراحه انا عندي افكااااااار واايد وحصريه بخصوص الحضانه يعني محد سواها قبلي وهب عارفه كيف انفذها بس اخاف اقولها تنسرق الفكره….
الحين اخواني انا ابغي مساعده في موضوع الاستيراد يعني كيف اقدر استورد بدون محد يقص عليه او حد ثقه يقدر يساعدني في الاستيراد لاني احب التجارة الالكترونيه
اتريا ابداعاتكم اخواني …اختي ام شيخه وام احمد اي فكره تطري على البال وتفيدكم اكيد ما بنقصر فيها..وخلينا وياج على الخط بالصوت والصوره.بالتوفيق ان شالله
ماشالله على افكاركم والله يوفقكم
شموخ ماشالله عليج طلع ابداع التسويق عندج … انتي مو محتاجه حد ينصحج بروحها نصايحج ماشالله عليها كل اللي تحتاجينه طريقة التشغيل بس
ام شيخه الله يوفقج ان شالله اختي وانا اشوف بدت تصير تفاعلات كثيره من كل الاعضاء معاج وهذا اللي كنت ابيه انا ماكنت ان انا اعطي نصايح وخلاص انا كنت ابي اشوف شغل وتعاون عشان نوصل لنتيجه مثل مابدا يصير معاج وبتكونين مضرب للمثل ان شالله
اختي ام احمد ان شالله نشوف تكونين مستفيده بعد ونشوف تعليقاتج ويكون لج تعاون مع الاعضاء ونسمع عنك كل اخبار طيبه ان شالله
اخواني trading_line و alqnnas_reeal_estate و على المكشوف
صراحه مانعرف شلون نشكركم على مجهودكم الكبيير والرئع في اثراء الموضوع والوقوف مع اخوانكم وكذلك دون نسيان باقي الاعضاء اللي ماقصروا صراحه في الموضوع ووعودنا بعرض تجاربهم وافكارهم قريب
والحمدالله الحين بعد ماتطمنا ان في مشروع صار فيه تعاون بالخارج والداخل بين الاعضاء الله يوفقهم
الحين نقدر نتقل لمشروع ثاني وبيكون مشروع شموح لكن بيكون بموضوع جديد ثاني وبيكون بنفس العنوان لكن بموضوع 2 والتعاون والجائزه نفسهم وننتظر الشباب بافكارهم ان شالله يالله جهزوا عمركم جدامكم تحدي جديد وان شالله الكل يثبت فيه نجاحه مثل ماصار في هالموضوع …
وهالموضوع ان شالله بيكون طبعا موجود وبوجود الكل وافكار الكل وبيكون مرجع ان شالله لاصحاب الصالونات والمعامل النسائيه وفي نفس الوقت بيتم الكل يشتغل عليه لين نشوف اختنا ام شيخه واختنا ام احمد وصلوا لمستويات كبيره وومتازه ودعواتنا لهم بالتوفيق
بصراحه….والله مب عارفه شو اقول…..يعني يكفي اني اشوف الكل يحاول يساعد ويعرض افكار عشان اتخطى خسارتي وهالشي والله يرفع من معنوات الانسان…….صدق انكم ما قصرتوا ……..
خواني على المكشوف وtrading_line واختي شموخ……..تسلمون ومشكورين وايد على الافكار الروعه
وياليت اخويه على المكشوف تطرشلي اسماء المراكز….
خويه trading_line افكار روعه و بخصوص البروشور الصراحه وايد حلو وتوكل على الله….
اختي شموخ فكرتج وايد حلوه ويديدهوتسلمين على اقتراحاتج…..
عساكم عالقوه
ماشالله اخت شموخ افكار حلووه وطريقه اعلانيه احلى
بالتوفيق انشالله