السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
مرحبا اخوانى انا بصراحه عندى محل ومب خسران لانه توه فيه بدايته بس ناقص التمويل طبعا اخوانا المواطنين يخافون يستثمرون مع مواطن صح ولا لا ……
emaraty999@hotmail.com
مرحبا اخوي اماراتي
الله يوفقك ان شالله بمشروعك وبمحلك وبخصوص التمويل لاتقول ان محد يستثمر مع مواطن
هالكلمه سبحان الله اسمعها وايد عندنا في البحرين يقولون محد يستثمر مع بحريني
وبدول الخليج خصوصا كله اسمع هالكلمه
اخوي بارك الله فيك مش هذا الموضوع …. الموضوع ومافيه ان الشخص اللي يبي يستثمر لازم يعرف وين يستثمر وماشالله على اخوانا دوم اذا سووا مشاريع شيقول لك
يقول ان خل الفلوس وماعليك احنا بنشغل لك كل شي طمن بالك المشروع ناجح اوكي المشروع ناجح ماختلفنا بس الحين احنا في عصر الكل يبي يشتغل ويطور من نفسه فعشان جذي الشخص مايشارك ويستثمر الا اذا حس ان صج مشارك
وفي عدة نقط ثانيه ان شالله اشرحها باسهاب في موضوع منفصل بعد
وبالتوفيق اخوي بكل مشاريعك وتاكد ان شالله في حال وصلت فكره صح وبطريقه مدروسه ومكتوبه راح تلقى التمويل ان شالله سواء من الاخوان داخل المنتدى او من الخارج
وينه الاخ نايف؟انا اشوفه غايب عن الموضوع صارله كم يوم؟؟عسى المانع خير انشالله
هلا اختي ام شيخه اول شي تسلمين على سؤالج والحمدالله مافي الا كل خير 🙂
بس غيابي اني كنت اتابعكم واشوف شغلكم ماشالله عليكم تبدعون وتتحركون بحركه مرتبه مثل دقات الساعه فحبيت ان اكون متابع خصوصا اني مخلي الموضوع وفكرته وجوايزه ان تكون تعاون بين الاعضاء في التطوير خارج وداخل المنتدى
وشفت ماشالله تعاون بينكم فحبيت ان اشوف تطور التعاون بينكم بدون تدخل عشان انا استفيد وانتوا والكل بعد بس تاكدي اني دووم معاكم ولازم اصلا اكون معاكم لان الفايده لنا كلنا ان شالله ونتمنى لكم خير والله يوفقكم وبانتظار نتايجكم الايجابيه
بس الحين طبعا شفت طلب جديد لمشروع جديد للاخت شموخ فعشان جذي شاركت عشان نفتح لها موضوع ثاني ونشتغل علي مشاريعها لين يصير تعاون بينها وبين احد الاعضاء في المنتدى وخارج المنتدى ونتابعهم لين نشوف نتايجهم الايجابيه ان شالله بعد مثل ماصار بينكم الحين واللي بيصير بين الكل ان شالله 🙂
السلام عليييكم
الصراحه الموضوع وااااااايد مهم ومفيد ومب غريب هالشي على الاستاذ نايف اشكره جزيل الشكر
والشكر موصووول لبقية الاعضاء الي شاركو في الموضوع ولو بكلمه ..الصرااحه انا استفدت من الافكار الرائعه الي ابديتوهااا …. وابارك لخواتي ام شيخه وام احمد وبالتوفيق ان شالله
كنت استورد من الصين ملابس نسائيه عبر النت بس كانت المشكله ان الملابس الي اختارها ماتوصل كامله واحيانا يغيرون الموديلات على كيفهم وهذا سبب لي احراجات واايد مع الزباين .. لا والادهى والامر انهم لازم كل طلبيه تكون ناقصه اعتقد كضمان انه الزبون يكون دايما يتعامل ويااهم ..
الحين بديت مشرووع ثاني حضانة اطفال بس مشكلتي اني ماسويت دراسة جدوى للمشرووع والحين المشرووع في التشطيبات الاخيره وان شالله ناويه افتتح الحضانه في بدايه العام الدراسي الجديد معنى هذا اني مااعرف خيره من شره هالمشرووع بس متفائله خييير …..وابغي افكار يديده في الحضانه تزيد من الاقبال عليها وتكون افكار متجدده ما سوووها الحضانات الباقيه..
ارجو اتحافي بافكاركم الحلوه
وموضوع الاستيراد مستهوني افكر استورد مكياج ماركه او ملابس اطفال ماركه وفي نفس الوقت خايفه من نفس اسلوب المصنع الي تعاملت وياه ..فشو الضمانات الي اقدر اتخذها ….واذا اي احد من الاعضاء يستورد هالاشياء ممكن اتعامل وياه احسن من الغريب
انتظر ابداعاتكم… واسمحوولي على الاطاله
مرحبا اختي شموخ اول شي تسلمين لي هالكلام والبركه في الاعضاء ماقصروا ماشالله عليهم من افكارهم وابداعاتهم واثرائهم للموضوع وان شالله نشوف نتايجه الايجابيه على الجميع
اما بخصوص موضوع التجاره من الصين انا مانصحج ان انتي تتعاملين بهالطريقه على النت بس لان بتكون في اكثر من شغله مبهومه لكن في طرق ان شالله بوضحها لج انا وباقي الاعضاء في حال ان حبيتي تستمين بهالشغل وتراه مرودوده جيد ماشالله
اما بخصوص الحضانه بما انج على النهايه فا نشالله نشوف ترتيباتها ونفس الشي بمشاركه الجميع مثل ماصار مع الباقي وان شالله بفتح موضوع جديد على نفس صيغه هالموضوع عشان تصير متابعه لكل موضوع بروحه ويستفيدون منه الكل بدون ماتصير عدة صفحات والواحد يضيع بينها وان شالله اليوم افتح الموضوع او بكره
وفي النهايه اقول لج الله يوفقج ان شالله واحيي فيج هالتفكير التجاري ماشالله عليج والاصرار على التطوير 🙂
وينه الاخ نايف؟انا اشوفه غايب عن الموضوع صارله كم يوم؟؟عسى المانع خير انشالله
مشكوره يا اختي شموخ واتمنالج انشالله التوفيق في مشروعج باذن الله…..
اخويه trading_line وينك؟؟شو صار فالشكل النهائي للبروشور؟وفانتظار ابداعاتك…..ومشكور