السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
هلا بكل اللي انظمو لنا ومرحبابج اختي ام احمد……
اخويه trading_lineواخوي نايف……….انا ماعندي مانع اني اتعاون مع الاخت ام احمد ويشرفني هالشي طبعا مادام انه هالشي بيخدمني ويخدم غيري…..
وبعدنا ننتظر ابداعاتكم وهاااااااا لا تنسى يا خوي trading_line تراك وعدتني بافكار حصريييييييييييييييييييييه وانت يا اخ نايف ترا تعبنا من الانتظار نبا نشوف ابداعاتك بعد…….
وبالنسبه للاخت ام احمد…………فكرة المندوبه وايد مفيده تراها وانا جربتها قبل ونفعتني..يعني فكل اماره خلي لج مندوبه…….وبتستفيدين انشالله وايد من ورا هالشي
أخوي trading_line انا في انتظار افكارك انت والاخ نايف
اخوووووووي انا فكرت بهالشي
بس ما اقدر اخلي ام شيخه تبيع اي شي من منتجات ام محمد
لانه في بلديه وترخيص وهالسوالف
يعني بيكون نشاط مخالف
وهذا في مسؤوليه ومخالفه وغرامه
هم خلهم يوافقون والافكار بتطلع
اخوي نايف متى ناوي تتحفنا باللي عندك :):):)
اريد افكار من عندك عسب ابدا انا كمان اطلع الافكار اللي عندي
وكلها حصررررررررريه باذن الله
وطرق جديده
بس اريد اشوف افكارك
ولا تتاخر علينا
اخوي trading_line اول شي الف شكر وشكر على مجهودك مع الاخوان والخوات والله يوفقكم ان شالله
وشرايك انا اشوف ان ام شيخه وام احمد يشتغلون بنفس المجال تقريبا وهو الزينه النسائيه وماشابه
ففي احتمال ان نسوي تعاون بينهم مما يزيد شغلهم ثنتينهم مع بعض بس هالكلام سابق لاوانه اول شي نرتب موضوع ام شيخه ميه بالميه اوكي
وعقبها نطور الافكار اللي تخص تجارة ام احمد وبعدها نحاول ان ندمجهم مع بعض وبهالطريقه بيكون كل مشروع بيكمل الثاني
وجذي نقدر ان احنا نسوي اعلانات نشاطهم وبنخلي اسمهم منتشر اكثر حيث ان كل الخدمات تكون متوفره من عندهم
نفس ماقلت ننطر موافقة الاخوات ونشوف بس طبعا لازم كل شي يصير خطوه بخطوه
مانبي نستعيل وايد ولا نبي نصير بطيئين نبي نوصل لشي متميز صح
ويعطيك الف عافيه مره ثانيه وبانتظار افكارك واقتراحتك اخووي
اخوي انا اختك مب اخوك وينادوني باام احمد
اخوي انا اتاجر بالمكياج والعطور والدخون واي شي يهم النساء والحمد لله في اقبال كبييير على بضاعتي اللي ابيعه بس حابه اطور من الشغل يعني يكون عندي زباين اكثر وفي مناطق جديده غير اللي انا فيها انا ماعندي محل انا اللي اسوق بضاعتي وشغلي
فاتمنى منك ومن باقي الاعضاء تقديم اقتراحاتكم وافكاركم
اختي ام احمد اول شي هلا فيج للمره الثانيه
ويعطيج العافيه على تفكيرج السليم بتطوير منتجاتج وان شالله بنسوي كل اللي نقدر عليه من اقتراحات ومشاركات وتعاون بين الاعضاء لين نوصل لهذا الشي
وان شالله يزيدون زباينج وتوصلين لتميز حلو
الاخوان بدوا يردون عليج وماقصروا وان شالله نرتب لج شي حلو يساعد على تطوير تجارتج واهم شي التسويق ومثل فكره اخوي trading_line ان تتعاملين وتتعاونين مع الجهات الي تستهلك بضاعتج بنشوف فكرته ان شالله وبنخلي بعد افكار اكثر لتطوير تجارتج
وبالتوفيق ان شالله اختي ام احمد