عندك مشروع خسران او ماعرفت تسوقه+جائزه 50 الف درهم للتميز التجاري

249 thoughts on “عندك مشروع خسران او ماعرفت تسوقه+جائزه 50 الف درهم للتميز التجاري”

1. مشكور يا خويه alqnnas_reeal_estate وفعلا الاخوان ما قصرو اللي ينصح واللي يعرض خدماته………حلو النجاح…….لكن الاحلى هو التعاون بين الاخوان وحتى لو ما ؟أدى للنجاح……….
   وبخصوص الاعلانات الحمدالله اتفقت من الاخ trading_lineوانشالله بتبدأ الحمله الاعلانيه جريييييييييب واتمنى انه يكون لها صدى قوي

   مرحبا اختي ام شيخه

   كلامج صحيح ان النجاح حلو والاحلى التعاون بين الاخوان وهذا اللي بنوصله ان شالله

   وان شالله نشوف حملتج الاعلانيه ونشوف صداها وقلوبنا معاكم انتي والاخ trading_line والله يوفقكم ان شالله اهم شي لاتنسون ترفقون لنا البروشرات في المنتدى منها تكون دعايه وتكون تعليم بنفس الوقت لباقي الاعضاء 🙂

   وياليت تخلون لكم استراتيجيه اعلانه مثل اللي قال عنها alqnnas_reeal_estate

   وفي نفس الوقت ياليت ان تكون بفترات زمنيه مثل ماقلت في المشاركه اللي قبل هالمشاركه عشان ان تعرفين شنو نوع استهدافج ومتى الوقت الانسب للاستهداف الخارجي مثلا فتزيدين النشاط الاعلاني عليه في هالفتره ومتى يكون للاعراس فتزيدين عليه النشاط لهالفتره

   وكل شي عل حسب شغلج ترتبينه وتجدولينه وتشوفين شنو اكثر المواسم لشغل محدد من الخدمات اللي تقدمينها وتحاولين ان تكون الاستراتيجيه الاعلانيه تستهدف هالخدمه مع عدم نسيان باقي الخدمات عشان ان تخلين لج يد طويله بالسوق وبنفس الوقت نحاول نستفيد لاقصى حد من حملتج الاعلانيه القريبه 😉

   وبالتوووووفيق لكم ان شالله وبانتظار اخباركم

2. ماشاءلله والله انكم كفووو انشالله دوم نشوف افكاركم الحلوه والاخت ام شيخه تستاهل
   والافكار مثل ما قال اخوي نايف تنطبق على كثير من المشاريع وهنا اريد ان انوه لشيئ بان كل هذه الافكار هي استراتيجية انطلاق للعمل يعني مثل اعادة هيكله في حالة الاخت ام شيخه او ضخ روح في مشروعها فالبدايه محتاجه من شهرين الى ثلاث اشهر وليس على مدار السنه بالنسبه للزخم الاعلامي يجب ان يكون مبرمج وفي اوقات محدده لان الصالون مثلا لو كانت اعلاناته ناجحه سيؤمن عمل على مدار السنه لو استمرت الاعلانات 3 اشهر ..
   اخت ام شيخه بخصوص تزيين وتجهيز العرائس دائما خلي في الاعلان حيز ولو صغير يخص هذ1 الموضوع
   والله ولي التوفيق
   دمتم بالف خير

   هلاا فيك اخوي دوم

   كلام صحيح اخوي بخصوص الاستراتيجيه الاعلانيه وانا اشجع كلامك واضم صوتي لصوتك ان لازم تكون في استراتيجيه اعلانيه في فترات محدده لان بيكون لها بالغ الاثر في ان تؤمن عمل للمشروع على مدار السنه

   بس انا اقترح ان الاستراتيجه السنويه مثلا لعام 2007 تنقسم الى اربع اجزاء

   مثلا السنه فيها 12 شهر نخلي لكل ثلاثه اشهر استراتيجيه محدده

   يعني استراتيجيه الربع الاول اللي هي اول ثلاثه شهور واستراتيجيه الربع الثاني اللي هي الثلاث الشهور الاخرى وكذلك لنهايه السنه فتكون اربع مواسم للسنه

   وكل فتره تعتمد اعلانتها على حسب المواسم مثلا نشوف مواسم تكثر فيها الاعراس او نشوف مواسم تكثر فيها الحفلات فتتخصص الحمله الاعلانيه على حسب الفتره الزمنيه

   وتكون طريقه حلوه لو مثلا قلنا ترقبوا عروضنا الجديده وخصوماتنا الجديده لفترة الصيف او فترة الشتاء او لموسم الاعراس وتكون كل فتره لها اسلوب اعلاني مختلف

   وهالشي يفيد اصحاب مكاتب السفريات بعد حيث ان يوزعون اعلانتهم على السنه سواء فترة الصيف اللي يكثر فيها الشغل او فترة الركود اللي هي فترة الدوامات

   يعني كل فتره تحدد بانطلاقه اعلانيه تهدف الوقت اللي هي فيه

   مثلا مايصير صاحب مكتب سفريات يخصص حمله اعلانيه قويه في عز موسم الامتحانات بهالطريقه مابتكون تأدي دورها المطلوب منها

   لكن لو خصص الحمله ان بتنطلق عقب الامتحانات يعني مع بداية الاجازات فيبكون لها تاثير ممتاز

   اتمنى ان فكرة الاستراتيجيه الزمنيه الاعلانيه وصلت

   وتسلم اخوي alqnnas_reeal_estate مره ثانيه على تفكيرك السليم بخصوص الاستراتيجيه الاعلانيه

   بس للعلم مش هذي الفكره اللي كنت اتكلم عنها بالمشاركات اللي سبقت لان تو الناس عليها 🙂

3. موضوع اكثر من رائع

   شكرا لك اخوي نايف على طرحك لهذا الموضوع القييم وانا استفدت الكثير من افكارك وافكار الاعضاء

   اخوي المستقبل المشرق شاكر لك مرورك واهتمامك وتعليقك

   الحمدالله بدينا نشوف اهتمام اكثر من الاعضاء ومشاركتهم وان شالله الكل يستفيد

   لتكون في النهايه الفايده عامه للجميع

   وعلى فكره اخوي اسمك حلو ( المستقبل المشرق ) يبعث على التفائل ماشالله 🙂

   الله يوفقكم كلكم ان شاء الله

4. trading_line اخوي صحيح كلامك ان الترغيب عنصر مهم وبروحه هذا فن وابداع لو كل شخص عرف يبدع فيه احس ان بيوصل لاهم اسرار التسويق الي تساعد على انطلاقه مميزه للمشاريع تفكير سليم ميه بالميه من شخص مبدع مثلك

5. مشكور يا خويه alqnnas_reeal_estate وفعلا الاخوان ما قصرو اللي ينصح واللي يعرض خدماته………حلو النجاح…….لكن الاحلى هو التعاون بين الاخوان وحتى لو ما ؟أدى للنجاح……….
   وبخصوص الاعلانات الحمدالله اتفقت من الاخ trading_lineوانشالله بتبدأ الحمله الاعلانيه جريييييييييب واتمنى انه يكون لها صدى قوي

Comments are closed.