معقولة اعلامنا حتى المقروء هو اللي يشجع على الانحلال باسم الانفتاح والتطور؟؟؟
قبل فترة وبالذات فترة كاس الخليج اللي كان في دولة عمان
حد لاحظ ان الصحف كانت مركزة على الحضور النسائي
صور وحركات دلع من البنات وصور العيون
محد لاحظ انهم ماكانوا مركزين على الجمهور الباقي كانه محد حضر المباراة غير البنات
والتعليقات على الصور
انه الحضور النسائي كان مميز وله نكهة حلوة (الدعوة للمزيد بالحضور)
كانهم يشجعون على هالشي
وكان في برنامج على الهواء مباشرة ما اذكر كان في ابوظبي الرياضية او دبي الرياضية
استضاف مشجعة عمانية وبحرينية وضل المستضيف يمدح في حبهن لوطهن ومؤازرتهن لمنتخابتهن
حتى في المباراة المخرج مليون مرة يظهر البنات وهن في قمة تشجيعهن والمعلق يدعي بان هالشي يزيد ويشوف بنات اكثر في الملعب؟؟؟؟؟؟
هل صحيح هالشي يزيد من الوطنية ولا يفضح الدولة ؟؟؟؟
هل الحضور النسائي للمباريات حق لهن او استغلال الانفتاح الزايد للظهور في الاعلام والجرايد (طبعا المصورين يركزون على اللبس الاحلى وال ……… !!!!) ؟؟؟
هل الشي هذا مقبول ولو كانت البنت محتشمة انه تيي وتشجع في المدرجات؟؟
وحبيت افج شوي من ضيجتي وتشاركوني بآرائكم ؟؟؟
صدقك الله يستر
والله ماقول غير الله المستعاان
و الله يستر من الياي ..
يا اخواني اللي قاهربي انه نحن نشجع الظاهرة
المخرج التلفزيوني ولا المحرر في الجريدة
انا متاكد انهم مب اماراتيين
بس ليش نخليهم يلعبون بعقول بناتنا
واذا الرمسة على اهاليهم
فانا من سمعة المغنيات يقولن
انه لولا وقفة الوالد معاي ما قدرت ابرز موهبتي
فقلت على الدنيا السلام
قلــــة أدب و البنت مــب متربـــيه.
العالم فيه الزين والشين يعني يوم إنشوف الشين نسكت الساكت عن الحق شيطان أخرس
الصورة أصدق تعبير ويمكن تغني عن آلاف الكلمات
بعدين السعودية وإلا الإمارات وإلا قطر كلهم دولة وحدة ماشيء فرق
وهذي ظاهرة بدأت بالتفشي في دول الجوار وأعتقد فيها تقليد للغرب
لا الجماعة مستغربين من كم يوم ينقدون البويات وسوا حمله في الجرايد
دام هذي السلوكيات اللي كانت فقط للشباب يسونها البنات الحين ليش نستغرب من ظهور البويات !!!
خلاص كل شيء إستوا عادي !!!