تراني واصله حدي ومقهوره كيف الرقابه ادخل ها النوعيه من الالعاب
تدرون اني مصدومه وخلاص طار عقلي يوم شفت شو في اللعبه
يا ناس مب بس صور والا اشخاص يتحركون ، والله حركات لعينه استغفر الله ما اقدر اوصفها في اللعبه
البارحه ولدي يلعب فيها وزقرني ماما تعالي طلعيني من المكان (( العيب )) هو طبعاً يلعب Playstation 3
اول ما مسكت الجهاز صرطت ريجي اقوله لف ويهك قالي ماما والله ما شفت
عاد انا روحي ما اعرف اتصرف ادق L1 انصدم بحركات طفسه من الخاطر ارد اسوي ما اعرف شو احصل رقص خليع مب طبيعي ،
عى طول شليت ال CD , وكسرته
خيبه اتخيبهم !
كيف ها في اسواقنا عيل ليش مقفلين مليون موقع في الانترنت يوم ها السي ديات بين ايادي عيالنا ،
اتمنى من كل اب وام ياخذون فكره او السؤال عن اي سي دي قبل شراءه لابناءه والله كارثه وين الرقابه يا جماعة الخير !
85% من ألعاب البلاي ستيشن وسخة وموب نظيفة
وهالسبب اللي خلاني أرمي كل الألعاب وأكسرهم
إ”لا كم لعبة نظيفة فقط
والله ياختي أني شفت ألعن عن اللي شفتيه
حسبي الله عليهم
أنا ضد هالصنف من الـ Games بكل أنواعها سواء للأطفال أو الكبار
تصدقين توني أنتبه
بس لو تلاحظين صايره لخبطه بمواضيع الأعضاء
وأنا بصراحه كنت أتضايق كل مااشوفها ماادري ليش وشكله هذا أحساس معظم الأعضاء
أنتي سوي دُعاااا وأن شاء بتروح
صدق ونااااسه أنه ماعندي مواضيع
قولوا ماشاء الله ههههه
بعد الواحد ما يقدر يحرم عياله بس يراقبهم والله يعينا على تربيتهم
انا عشان افتك من الصدعه و اني اشيك كل شوي واتم على اعصابي من الالعاب الي يلعبونها
شليت البلاي ستيشن بكبره
لاني بصراحه ما اثق في الالعاب الي يلعبونها
خاصة بعد ما شفت برنامج في التلفزيون اسمه على ما اعتقد ساعة صراحة للشيخ نبيل العوضي
يتكلم عن هذة الالعاب والبلاوي الي فيها وهو جزاه الله خير ذكر اسماء الالعاب الي مفروض ما تدخل البيت
ومن ضمنهم اللعبةالي انت طريتها