تراني واصله حدي ومقهوره كيف الرقابه ادخل ها النوعيه من الالعاب
تدرون اني مصدومه وخلاص طار عقلي يوم شفت شو في اللعبه
يا ناس مب بس صور والا اشخاص يتحركون ، والله حركات لعينه استغفر الله ما اقدر اوصفها في اللعبه
البارحه ولدي يلعب فيها وزقرني ماما تعالي طلعيني من المكان (( العيب )) هو طبعاً يلعب Playstation 3
اول ما مسكت الجهاز صرطت ريجي اقوله لف ويهك قالي ماما والله ما شفت
عاد انا روحي ما اعرف اتصرف ادق L1 انصدم بحركات طفسه من الخاطر ارد اسوي ما اعرف شو احصل رقص خليع مب طبيعي ،
عى طول شليت ال CD , وكسرته
خيبه اتخيبهم !
كيف ها في اسواقنا عيل ليش مقفلين مليون موقع في الانترنت يوم ها السي ديات بين ايادي عيالنا ،
اتمنى من كل اب وام ياخذون فكره او السؤال عن اي سي دي قبل شراءه لابناءه والله كارثه وين الرقابه يا جماعة الخير !
ماشاء الله عندكم ناس واعيين ،
ما يدخل شيء البلاد الا برقابه صارمه
انتي يا اختي لو شفتي شو الاسلحه اللي في الالعاب هاي ممكن تنشعين شعر راسج
خليني ساكته ^_^ عشان ما احمس حد يشوف اللعبه !
الله المستعان أختي يورسول
أنا بعد أنصدمت صدمه أليمه لما شفت ولد اخوي يلعب لعبه من هالألعاب
والمشكله أنه مايقدر يعدي للمرحله اللي بعدها إلا لما يتخطى هالمسخره
والحمد لله الرقابه عندنا أنتبهت لهاللعبه و أنمنعت وفيه ألعاب كثير غيرها أنمنعت
بسبب البلاوي اللي فيها
….
المشكله ان الواحد يتم يشوف الغلط ويسكت عليه يعني يمكن حد قبلي شاف ها الشيء وتحفظ على الاسم وطبعاً انا ما عندي علم اشوف كل الاهل شارين لعيالهم وما اعرف المحتوى
المفروض انه ما نتكتم على الاسم ونحن اهنيه ماشاء الله كلنا اكبار وناضجين ما اعتقد ما بينا مراهق بعده يدور ها السوالف
التحذير واجب يا اخويه ، بس وين الرقابه !
افضل لو ما حطيتي اسم اللعبه.
في العاب كثيره يضعونها في اعلانات كبيره لا يوجد عليها رقابه. الالعاب الي في منها الرقص وغيرها من الخبائث لا يضعون عليها رقابه بل يضعون عليها 16+. ما شاء الله عليهم مأدين الواجب. تحت شعار حرية شخصيه.
ما تشوفين العيال الحين كيف طالعين. باجر بنشوفهم مجرمين.
لا حول ولا قوة الا بالله شو هذيلا الناس لا عندهم ذمة ولا ضمير حتا الياهل ما رحمهم
من جشعهم يعل النار تسرطهم اختيه زين سويتي انج كسرتي السي دي واحسن شي انج تشيكين على كل صغيرة
وكبيرة يخص اليهال والله يحفظه حقج أن شاء الله من كل شر .. ومبارك عليج الشهر ختيه