طريق أبوظبي – دبي: الرادار عند 141 كيلومتراً
أبوظبي – موفق محمد:
دعت مديرية المرور والدوريات في شرطة أبوظبي قائدي المركبات وخصوصاً شريحة الشباب إلى الالتزام بالسرعات القانونية على الطرقات الداخلية والخارجية، مشيرة إلى أن تجاوزها يعتبر من المخالفات المرورية الجسيمة، لأن السائق لا يعرض نفسه فقط للهلاك، وإنما يعرض أرواح غيره للخطر .
وكشف العميد المهندس حسين الحارثي مدير مديرية المرور والدوريات بشرطة أبوظبي عن بدء الإدارة في تركيب عدد من الشاخصات على طريق أبوظبي- دبي بهدف تعديل سرعات الطريق بحيث يتم ضبط السرعة الزائدة إلى 141 كيلومتراً للحد من السرعة الزائدة وتجاوز السائقين للسرعة المحددة على الطريق، من خلال اتخاذ الإجراءات الكفيلة بالحد من الحوادث على مختلف الطرق، حفاظاً على الأرواح والممتلكات .
وأشار إلى أن جميع الرادارات الموجودة على طريق أبوظبي- دبي سيتم خلال الفترة المقبلة ضبطها على سرعة 140 كلم في الساعة، بحيث إذا ما تجاوز السائق 141 كلم في الساعة فإن الرادار يضبطه على هذه السرعة .
اصلا مايمدي الواحد يحط ريله عالريس ..
كل 500 متر رادار .
وعقب كل 100 متر اتحصل سياره رادار مخشوشه عاليمين خخخخ
والله يكفينا شر من سواقه بو هناد وربعهم ..
ربي يحفظكم ان شاااء الله من كل مكروووه يااارب
والله انا اشوف آنه شوارعنـآ آحسن من شوارع دول عالميهـ كثيرهـ .. ولله الحمد ..
.
بس مو الحل في انزال السرعهـ الى 140 ××
160 وكنى نمشي عليها 150 .. حاليا يبونا نمشي 120 ؟؟
.
.
واذا ع موضوع الضباب اعتقد بانه سبب الحادث مو السرعه السبب عدم الانتباه ومراعاه حاله الطقس .. او عدم ترك مسافه كافيهـ ترى في الضباب لو تمشي 80 وماراعيت هالاشياء بتسبب حادث …
.
.
الله يكون في عون مستخدمين الطرق شكلهم يبونا نشتري طياراتــ ,,..
شـكــ وبارك الله فيك ـــرا لك … لك مني أجمل تحية .
والله انا اشوف ال 160 مناسبة جدا وخففت من الزحمة على الطريق خاصة من دبي لابوظبي, الي يبا يسوق 140 بكيفه والي يبا 120 بكيفه الحمد لله الشوارع واسعة وفي مكان
المشكلة في الناس الي ما تعرف تسوق ولا تفكر
الرادار يزخ على 160 مو معناها انك تسوق على 160 ليل ونهار في النور وفي الظلمة الجو ضباب او صحو
الحل مو بتخفيف السرعة
الي ما يعرف يسوق على 160 بعده ما يعرف يسوق على 140 وحتى على 120 بيسوي مصايب
حد فيكم علموه او سألوه يوم خذ الليسن كم لازم يسوق في الضباب او شو يسوي اذا مو قادر يشوف قدامه
يا انك تثقف السواقين وتعلمهم كيف يسوقون في الضباب او تشوف حل للضباب نفسه
سكروا الشارع وسووه نفق
حتى لو بتركبون مراوح او شفاطات حذال الليتات مال الشوراع
الخلاصة الشرطة بتنزل السرعة بنسوق على السرعة الي محددينها بس هذا مب حل
وقت الضباب الناس بيسوقون على 140 وبيسوون حوادث ويمكن اخس عن الحوادث الي طافت