شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. جزاك الله خير يا بن دولار

   في بالي ان افتح رخصه استيراد وتصدير المشتقات النفطيه مثل الديزل بس ما عارف كم راس المال المطلوب وهل لها مردود طيب واذا في عندك نصائح ارجو منك ان تطرحهااا

   وشكرا لتواصلك مع الجميع وفي ميزان حسناتك

2. بالتوفيق للجميع انشالله

   شاكر مرورك ياخوي

   اخوكم

   بن دولار

   __________________

3. أخوي بن دولار،

   فعلا قل في هذا الزمان من يقوم بالمساعدات العينيه، فما بالك باللي يساعد بالأفكار والخطط التنمويه، واللي هي برأي أهم، ومثل ما قالوا بدل ما تعطيني السمك علمني الصيد،،،،

   المهم، واحد من الشباب ناوي يفتح مخبز ، ويبيني أشاركه، شو رأيك، و شو المطلوب عسب ينجح المشروع؟

   و تسلم

   جزاك الله خير علي كلامك ياخوي والله يوفقني ورد جميل لك

   بخصوص المخبز ياطويل العمر اول شي اعتذر لتأخري في رد عليك

   يبغيله ياطويل العمر اول شي يعتمد علي خباز ويعتمد علي نوعية المخبز

   إلي تبغي تفتحونه اذا مخبز عام لكل شي بأنواع الخبز

   فايبغيله ياطويل العمر مكاين الخبز وانت عارف بأنه احلي انواع الخبز الي تباع في مخابز الفرنسيه

   من كيك ومن خبز والي اخره

   فأكيد انا مكاين فرنسيه هيه الي غالبه علي طابع مخابز

   فانصيحه ياخوي لك اذا بيكون مشروع مخبز عام فانصح انك اول شي تقوم فيه

   انكم تدورون ناس خبره في مجال الخبز وعين الطحين وترتيب الوقت

   لأنه مخبز يبدي دوامه من ساعه 1 ليل لين الصبح ويبغيله شغل محترم وناس فاهمه

   اما اذا مخبز مختص في خبز محدد فانصحك انكم تبدون بالخبز اللبناني وسمون

   وعقبها تطورون شوي شوي

   وموضوع الحلويات خلوه اخر شي لنه يبغيله مكاين وايدي عامله مواد مالها اول وتالي

   اي شي ينقصك من فكره للمشروع وغيره راسلني علي خاص

   بمكان الموقع وتكاليف ونشاءلله بعطيك المطلوب ومايصير بخاطرك الي كل طيب

   اخوكم

   بن دولار

   __________________

4. انزين اخوي لو افتح محل بيع حيوانات كم بيكلفني ؟
   وهل احتاي رخصه عشان استورد الحيوانات من خارج الدوله
   ووين احسن مكان استورد منه وباسعار معقوله

   محل بيع حيوانات اول شي اختار الموقع ويكون ارخص موقع واجاره رخيص

   لأنه تطوف شهور وماتبيع ولا حيوان ويطوف شهر وتبيع 1 او 3

   بخصوص محلات الحيوانات اول ماتاخذ الرخصه يصرحولك اتيب الحيوانات بطرق وبنود

   بس انا انصحك انا محل حيوانات تحاول انك تاخذ الي معروض للبيع في سوق

   من عند اشخاص مثل كلاب الولف مثل قطاو شيرازيه الي تبيعها الناس

   لأنك تقدر تضرب السعر اذا سعر القطوه 3000 معروضه تقوله بــ 900 درهم بيوافق يبايعك

   لأنه حيوانات اذا اشتراه راعيه ينسي يبيعه بنفس السعر

   ابغيك تركز في المحل علي ببغائات الكاسكو وتيب جميع انواع ببغائات النادره

   وحتي الأغنام النادره من اغنام نجديه الي الأغنام العمانيه

   يعني محل حيوانات خله يستقطب جميع الفئات فئة البيوت وفئة الأجانب وفئة حيوانات الزينه

   وفئة حيوانات الأليفه

   بخصوص التكلفة ياخوي محل بيكلفك 40 الف في تعديله وترتيبه اما بخصوص اجاره كم فما اعرف

   اما بخصوص الراس مال حق حيوانات فبعد اسمحلي ماقدر افيدك

   ونشاءلله الي يعرف يفيدك من الأخوان في الموضوع

   —

   اخوكم
   بن دولار

   __________________

5. جزاك الله خير يا بن دولار…في بالي مشروع محل زهور اسويه في ابوظبي ..كم ممكن تكون تكلفته و شو تتوقع الارباح بتكون؟

   وهل احسن اسويه في مول من المولات على شكل استاند ولا احسن في محل؟

   لازم ياخوي محل الورود لازم يكون موقعه مميز وخاصتن اذا في بوظبي

   اما اذا في منطقه ثانيه غير دبي فمايحتاي المكان

   لازم تدور مكان قربه محلاة المجوهرات او محلاة السيع ولعطور او محلات الحلويات او مخابز

   محل الورد لازم الموقع يكون قرب مستشفيات لازم تفكر في خطة تسويق قبل خطة البدء بالمشروع

   انا اعطيك امثله لأنه محل الورود مب مثل اي محل

   الورد عباره عن ماده غير ضروريه او ماده مستهلكه طول العام

   بخصوص الأرباح لو اكبر محل ورد في الامارات

   كم بيكون مدخوله انا اتوقع انا في شهر الواحد

   مابزيد عن 60 او 70 الف مدخوله

   هذا اكبر واحسن موقع ورد في الامارات

   مدخوله شهري

   فأنا انصح انك تفتح محل وتدمج فياه ورد مثل محل حلويات وياه ورد

   بها طريقه بتظمن الورد والحلويات مع بعض

   بخصوص الاسعار وتكاليف ماقدر اخمنلك بس لو شخص يفهم في محلات الورد

   يقدر يفيدك في هل موضوع

   اخوكم

   بن دولار

   __________________

Comments are closed.