شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. اخوي بن دولار

   تقبل الله طاعتك وطاعة جميع الاخوة

   بغيت نصيحة عاجلة لو تكرمت

   حصلت شركة مقاولات درجة ثانية للبيع (تصريح فلل وبنايات وابراج ) بكلباء واقدر اشتغل بامارة الشارقة
   مع 30 عامل وسكن عمال وستور مدفوع الاجار لسنتين وشيول قديم شوي
   عمر الشركة 30 سنة مسوية مدرسة ومستشفى وفلل ..الخ .

   بس
   بدون مهندس وفورمن وسيارات ومكتب
   بسعر مليون ومائتين الف
   والدفع 400 الف كاش والباقي اقساط لمدة عام
   سبب البيع ان المالك عنده رخصتين مقاولات وحاب يبيع وحدة .
   طبعا بستلمها بدون مشاريع عالقة ومخالصة من المالك .

   شو تشور علي اخوي ؟
   وشكرا

2. هلا ياخوي انا افضل السؤال في الموضوع لفايدة الجميع
   
   بخصوص سأل شو رايك تفتح مغسلة ملابس عادية يعني نص اوتاماتيك بتكلفة 50 الف
   
   وتفتح صالون رجالي بتكلفة 40 الف
   
   وبكذا ضربة عصفورين بحجر وحاول تخليهم عدال بعض
   
   ونشاءلله تكون انت من سكان الاماراة الشمالية لطابع انا الاجار رخيص ومايكلف
   
   اما اذا كنت من سكان ابوظبي والعين فانصحك انك تشوف احتياجاة المنطقه شو محتاجة
   
   دوبي او صالون وفتح
   
   وصدقني ابدي علي طول في مشروع هذا لنك بتستفيد فايده مابتتوقعها
   
   واي سؤال محتاج او مساعده انا حاضر
   
   اخوكم

   بن دولار

   أخويه الصالون مب مكلـف ؟؟ يعني كيـف بـ 40 ؟؟ الديكور والسامان ما يكلف ؟ ولا انته مب حاسب اجار المحل ؟؟ ممكن توضح اخويـه

   وعن المغسلـه كيـف بـ 50 اوتوماتيـك ؟؟ ممكن اخويـه بن دولار توضحلي اكثـر ..؟ يعني كيف بقدر اسوي الشيئين بالاسعار الي حطيتها ..؟

   انا سمعت اذا صالون يكون محترم وراقي وديكوره فنان تكلفتـه بحدود الـ 100 الف ف انته تقول بـ 40

   ما ادري اذا تقصد من غير اجار ف ياريت لو توضحلي اكثر بن دولار

   وعن المغسله اشرحلي اكثـر كيف نص اتوماتيك ؟!

   __________________

3. أخوي بن دولار أفكر بمشروع معدات ثقيلة بس مش عارف كيف أبدأ يا ريت تفيدني الله يجزيك الخير..

4. انشاءلله الي مارديت عليه انشاءلله بيتم الرد عليهم

   في اقرب وقت لنشغالي حالياً

   ومن لديه استفسار او سؤال لايتردد

   والأخوه الي تأخرت عليهم برد انشاءلله بيتم الرد

   عليكم قريباً

   اخوكم
   بن دولار

   اخوى بن دولار لو تتكرم ان تزور موضوعى هاذا على المشروع الجديد ابقى منك بعض الاقتراحات والتوجيهات وكيفية العمل فى هاذا المشروع

   هاذى الوصله

   http://satfrequencies.com/invest/uae244686/

   __________________

5. السلام عليكم اخوي بن دولار … عيدك مبارك و كل عام و انت بخير … ربيعي يبه يسوي مشروع و انا اقترحت عليه, ان يشتري شاحنة نقل و يشتري الراس مستعمل و القاعدة اتكون يديده و ياجر لشركة و انشاءالله كل شهر بيطلع له حوالي من 20 الى 35 الف صافي, و اعتقادي ان الشاحنة راح يكلفه تقريبا 120 الف … يعني اقل من نص سنة و يرجعله راس المال …. وش رايك بالفكرة .. و مشكور اخوي على تعاونك معي و مع جميع الاعضاء و الزوار

Comments are closed.