—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
او ورا شارع الدفاع صوب صندوق الزواج وعيادة ويل هيلث
دايم ياخوي صح عندك كوفي ماركه وكل شي اوكيه بس انا بعيني شايف مشاريع
ماركات تهوي شرات ماطيح الكافتيريا ودكان وغيرهم من مشاريع
ولاتحط ف بالك ياخوي انا كوفي ماركه وبيدخل فلوس انشاءالله ولفكره مربحه 100%
في عالم التجاره الله يسلمك كلمة 100% لازم تلغيها من قاموس نهائياً
واذا المشروع مربح 100% تحطله نسبة 45%
الله يوفق بس لازم تضرب الموقع واذا حالياُ راس مال المكان المميز غير متوفر
عندك اجل المشروع لسنه او سنتين بس لأستيفاء المنطقه
ولاتتسرع تفتح كل 5 سنوات مشروع
ناجح افضل من انك تفتح كل سنه او سنتين مشروع فاشل
او دور علي شريك مناسب من معارفك
بخصوص المكان انصحك تضرب الضريه وهي يايه قريب مابقي شي
علي ضربة المواقع وهي انا الحين الله يسلمك وايد مقاهي بتنجلع من بوظبي
واغلب المقاهي ماسكه مواقع استراتيجه ركز علي مقاهي الشيشه الي تنباع وخذه
وحط كوفيك فيه بتستفيد مرتادين مقهي بيون عندك ومنها موقع بيكون مشهور واستراتيجي
وجلعة مقاهي من بوظبي يايه في طريق واخوك بن دولار يحبسلهم ويتريا الفرصه
اخوكم
بن دولار
يعني الله يحفظج موضوع تأجير فساتين في البيت تقدرين تبدي فيه من اليوم لكن
انج تفتحي رخصه منزليه مابيعطونج الي اذا البيت كان استثماري مب سكني
وهذي قوانين بوظبي والعين اما صوب دبي او الامارات الشماليه
انا صراحه جاهل لقوانينهم
يعني ماعندي خلفيه كيف الشروط الي يطلبونها وتمنا انج تسألي لوكان مشروع يستهدف
دبي او الشمال بخصوص الفساتين الله يحفظج لو ماكان عندج معارف واسعه
مانصحج تفتحي رخصه ومحل , تزاولي النشاط في البيت احسلج اما بخصوص الفساتين
انشاءالله راسليني علي خاص وبطرش لج كم رقم شخص من معارف لي اعرفهم
بس مواردهم كالها في لبنان وناس هم في لبنان وتقدري تشتري او علي حسب الاتفاق
واي سأل انا حاضر
اخوكم
بن دولار
مرحب ..
الله يعطيك العافيه اخويه..
خاطريه اجرب رخصه منزليه واخلي غرفه حق تأجير فساتين ..
بس مب عارفه كيف ابتدي المشروع ومن وين اخذ لي الفساتين و كيف ممكن ااجرها او كيف ابتدي المشروع …
ويزاك الله خير ..
انها تكون بعيده عن محل من نفس النظام
انصحك انك تلف علي مكاتب توضيف وتقولهم ابغي باكستاني لشغل الحيامه
ويكون حاصل علي هذي شهاده في الطب التقليدي
وامورك بتمشي عال العال ابتعد عن الي موجودين حولنا روح بعيد وتعال بعيد
اتي سالم الله يوفق انشاءالله ياخوي واتمني انك تضيف في الرخصه حيامه وطب تقليدي
وبيع اعشاب ومزاولة العسل والأدويه الشعبيه
عشان اذا ماستفت من حيامه ترتب امورك بمواضيع الاعشاب والعسل
اخوك
بن دولار
ارجو انك تدرس الموضوع من ناحية المنطقه المستفيده وليس اسعار تكلفه او اسعار الفائده
بخصوص المكاين عندك شركات وايد ومنها شركة زارا في دبي عندها كل انواع معدات الورش
اخوكم
بن دولار