بسم الله الرحمن الرحيم

—

شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع

ولي مب عارف كيف يبدي وشو ايجابيات الخطوه الأولي وسالبياتها

وصدقوني كل شخص وله ميزه في التجاره ودخول عالم الأموال ولكن تنقصه الدفعه

او الفكره او المعنويه

فعشان جذي حبيت اليوم اطرح هذا الموضوع ونشاءلله بنتشارك في الحلوه والمره

انا اشتغل في تجاره الأستيراد وتصدير ودخلت في مجالات كثيره بين موانئ الدوله

وخارجها وعارف انواع البضاعات المستورده والمحلية وتقليد من الأصلي

—

اليوم إلي عنده مشروع ومب عارف شو يسوي انا بساعده وباخذ بإيده

وثاني شي الي عنده راس مال ومب عارف يدخل في شوه انشاءلله بعد راح اساعده

ومابقصر ولي حاب يدخل مع شخص شريك بعد انشاءلله ماراح اقصر

واي شخص حاب ياخذ معلومه عن سلعه او عن بضاعه او شركة خارج الدوله

يبغي التعامل معها انشاءلله ماراح اقصر معاه

تقبلو تحيات اخوكم

بن دولار

493 thoughts on “شي في خاطرك عن مشاريع (بن دولار يفيدك)”

  1. هلا اخوي بغيت اعرف من وين اقدر اييب اجهزة الكاشير اللي تعمل سكان على السلعة ؟ قاعدة ادور عليها ومب عارفة من وين أييبها؟!!*

    هذي الأجهزه الله يسلمج بتحصليها في محلات أنظمة الكمبيوتر

    اتصلي 181 وقوليلهم ابغي شركات انظمة الكمبيوتر وليس محلات كمبيوتر

    ويوم بيردون عليج حد من شركات قوليلهم ابغي برنامج par coud مع الجهاز

    وقيمته تتراوح بين 2500 الي 7000

    اخوكم
    بن دولار

  2. السلام عليكم

    اخوي عندي مشروع استيراد الجوز ( عين الجمل ) والعسل الطبيعي من اوكرانيا

    ابي اعرف عن السوق في الامارات بالنسبه لعين الجمل و العسل عن الاسعار والاستهلاك ؟

    على فكره الجوز بالقشره سعر الكيلو 1,3 – 2 دولار هذا يعتمد على حسب الكميه
    اما بدون قشره فيصل الى 4 دولار

    اما العسل الطبيعي فيتراوح بين 3 – 6 دولار للكيلوا

    وبالنسبه للشحن البحري ماهي الاوراق الي يطلبوها ؟؟؟؟ والاسعار المتوقعه للطن ؟

    اخوي مانصحك بادخال هذه المنتجات لأنه محامص اللبنانيه لم تترك

    لأخوانها من التجار باب لدخول في هذه التجاره ونا انصحك انك تدرس

    موضوع جيد جداُ وبنسبة امتياز لدخول لأسواق الأمارات

    اخوكم
    بن دولار

  3. ايضا سؤال..شو رايك يوم تطلب بضاعه بملغ فوق 270 دولار

    و اتسجل الفاتور اقل من هالسعر لتجنب الضريبه

    شو رايك بهالحركه ؟

    الشاطر يعرف وين يرتب اموره وفي اكثر من مليون حركه لتجنب الجمارك

    وكل واحد وله طريقته

    اخوكم
    بن دولار

  4. اخوي بن دولار

    اتمنى اني اشوف ردك باقرب فرصة ممكنة

    انا افكر افتح مشروع كافيه بس هو مميز عن الكافيهات الموجودة يعني باخذ اسم لكافيه معروف بدبي وبفتحه ببوظبي
    والرخصة تكلفني 150000 درهم و5% من الربح ..

    وانا حاليا ادور مكان مناسب لمشروعي وانا متاكد من ربحية الكافيه بإذن الله بس محتاي المكان المناسب والإيجار المناسب حتى ابدا بالمشروع

    ففشو تنصحني ادخل بالمشروع ولا.؟ ووين افضل مكان اقدر ابطل المشروع من خبرتك؟

    وتقبل شكري واحترامي ويزاك الله خير

  5. الله يعطيك العافيه ع المجهود الطيب والنصائح
    والله يكثر من امثالك

    اللي ما يخصه بالتجاره يدخل هالموضوع بيستفيد وبيتعلم

    اخوي أنا حاب افتح محل حيامه شو رايك ؟

    للعلم لا يوجد محل بالمنطقه اقرب مركز يبعد 80 كيلو

    الحمدالله مخطط وفي بالي وايد أشياء أضيفها للمركز
    ( يبيع عسل ، أعشاب …… الخ)

    بس العقبه الوحيده انه كيف اخلي عامل يشتعل بالمحل براتب؟ لانه اغلب اهل الحيامه يشتغلون في بيوتهم أكيد ما بيشتغل عندي براتب معين ؟
    ولا ااعطي نسبه من صافي الربح؟ 5٪ او 8٪ تقريبا ؟

    وشو نصايحك الثانيه ؟

    يزاك الله خير
    *

Comments are closed.