—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
بخصوص الدوبي مايبغيله اداره ذكيه او اداره قويه يبغيلها كنترول يضبط العمل فيه
بالمختصر سيستم عمل بنظام صارم دايم مثل محلات الي تقدم خدمات
مثل الدوبي الحلاق ضبطها بنظام صعب بس بنظام المراقبه سهل
فانصيحتي لأي شخص عنده دوبي او حلاق كيمره هيه الفاصل بتكون في المحل
وبدون فوتير وبدون اوراق وبدون فورمن وفلسفه زاد حطلهم كيمرات علي روسهم ونتها
الموضوع شو فايد من الكيمره فايده الله يسلمك اي شي بساويه بيخاف وبيخبرك
ثاني شي كيمره مش موضوع انك تفتح كيمره كل يوم وتشوفها هو موضوع انك
تحطهم في دائرة الشك وماتعطيهم الثقه وافضل وسيله انا اشوفها
انك تروح للأتصالات وتاخذ من عندهم كيمره
هذي صورتها وقيمتها 500 درهم ويعطونك وياها بطاقة تيلفون تحطها في كيمره
وتدخل علي كيمره من تيلفونك وتراقب محل علي بث مباشر علي تيلفون كنك داخل
مكالمة فيديو هذا تستخدمها عشان تشوف متي فتح المحل ومتي سكر وعشان تحطك في صورة
علي محل وتطمن ونت في دوام انه الجماعه شغالين ومحد طالع برع يحوط وكلهم موجودين
وكيمره تقدر تحركها بتلفونك يمين يسار شرق غرب واخبرك تشتغل بعد تصوير ليلي
ووحده من هل كيمرات في نص المحل وقيمتها 700 درهم وتصور علي مدار الشهر هذي
عشان ضبط الحسابات وتشوف دخل المحل
اول ماتركب هل كيمرات وتتصل حق الهندي وتقوله انت وين ليش طالع برع المحل
ولا ليش مامداوم مداوم متاخر فاتح محل ساعه 8.30 ليش مافتحت ساعه 8
بيبدي الخوف يدخل قلوبهم وبيقولون هذا ارباب شيطان كل شي يشوف احسن انشد حيلنه
مافينا يسفرنا ههههههههه
ونشاءالله قدرة افيدك
اخوكم
بن دولار
مع انا خبرتي قليله في اسواق المعادن والاسهم لكن انا بوجهة نظري مابدوم
افضل حل حالياً هو البيع وليس التملك
ونصيحتي لك اذا قررة تشتري ذهب حطه في مصوغات احسن من سبايك لنا
اول ماتنعرض السبايك للبيع معروف هدفك استثمار او ربحي عشان جذي
محد بيعطيك سعر مناسب لنك محتاي تبيع لكن مصوغات علي طول يحطهم علي ميزان
ويعطيك سعر السوق ومايتفلسف يشتري وتتوكل
اخوكم
بن دولار
اما بخصوص اماكن بيع مكاين الدوبي هيه شركة كلين كير وموجوده في دبي
اتصل علي 181 وطلب شركة كلين كير عندهم وايد معدات اما اذا عن نفسي
مابشتري لامن شركه ولا من وكيل باخذلي سفره علي صين وبيبلي كم مكينه
وبقل سعر
ونشاءالله قدرة افيدك
اخوكم
بن دولار
السلام عليكم و رحمه الله
عندي كم سؤال:
1-اذا الشخص حب يشتري مثلا من موقع علي بابا
و بضاعه مثلا معقوله..
و سعره الشحن الجوي راح يكون غالي
و حب يشحنه فالبحر
كيف الاجراءات؟ و الاسعار؟
و كيف ممكن تطلب من التاجر انه يشحنه مع الشركه الفلانيه بحريا .
السلام عليكم اخوي دولار
اخوي عندي مشروع ابي شريك يدفع فيه
هو تكاسي في السعوديه فتح مكتب تكاسي
نجيب 100 سائق + 50 سياره
كل 8 ساعات على واحد كل واحد يعطيني 200 ريال في اليوم يعني الدوام 16 ساعه + نطلع 400 ريال من السياره الوحده
بيكون قسط السياره 1500
طبعنا السائق مانعطيه راتب هو يكد على السياره بس اهم يجيب لي 200 في اليوم + عليه السكن + البنزين عليه + الزيت يتشركون كل 2 في سياره نص في النص
يعني بس علينا ايجار المكتب ونسدد الاقساط من الارباح
والباقي نص في النص