شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. افضل انج تبتعدي عن سوق الذهب سوق الذهب مثل سوق النفط يعتمد

   علي تغيرات الجذريه وليس التغيرات البسيطه اذا توجد تغيرات جذريه مثل افلاس

   بنك تحطم قطار اكتشاف منجم ذهب تدهور اقتصاد اليونان زيادة اسعار البترول

   هذي كالها عوامل تجذب استثمار الذهب في وقتها لانه بعد انحسار الازمه

   في اي بلاد من عالم يرجع الذهب ويرتفع او انا يرجع وينخفظ

   هذا هو سوق الذهب يعتمد علي التغيرات الجذريه وليس مثل الاسهم

   اليوم نازل وبركه نازل ولي بعده مرتفع لاا الذهب عالم اخر ويحتاج دراسه مستقبليه

   ويفضل دراسة سعر الذهب في سنه الي طافت نفس هذا الشهر كم كان سعره

   اذا كان مرتفع يفضل عدم الشراء واذا كان منخفض في سنه الفائته نفس هذا الشهر

   يفضل الشراء والله العالم

   اخوكم

   بن دولار

   اخي العزيز بن دولار
   بارك الله فيك
   اختلف معك في رؤيتك للذهب ، حيث انه من المعروف ان الذهب استثمار جيد و ملاز امن ضد تقلبات الاسواق بدليل تهافت الحكومات لرصد و تجميع اكبر كميات من الذهب ليكون احتياطي عند الطلب ، و كذلك تفعل البنوك ، و كذلك تفعل الشركات العملاقة … عملت في الذهب منذ ان كان 17000للكجم و الان يقترب من ال 40000 اين المخاطرة هنا …. لك الشكر و السموحة و منك نستفيد
   اخوك سفنكس
   

2. بن دولار ساعدني .. بسوي محل بوتيك .. في امارة من الامارات الشمالية .. البوتيك متخصص بس في الشنط و النعل اعزكم الله ..

   ايجار المحل :28 ألف
   خلو المحل : 8000 درهم
   علي يسار المحل : محل عبي و حذاله محل ملابس نسائية و ولادية
   و علي يمين المحل صالون أطفال
   لين اللحين ادور على حد يجهز لي المحل من ناحية الديكور تعرف سبوت لايت و رفووف و غيره .. فمادري كم بتاخذ شركة الديكور و اليوم راح تكون عندي مقابلة وياهم عشان يحددون الاسعار و يشوفون المحل ..

   خذيت قرض من البنك ب 200 ألف .. مادري شو رايك ؟؟ وشكرا

   يامرحبابج بخصوص فكرة المشروع مشروع يعتمد علي منطقه ذات

   طابع تجاري يعني في منطقه لو ابغي اسير السوق اعرف انا هذا الشارع هو

   الشارع الي بيخليني في وسط الاسواق ودايم انا ما انصح اي قرض من اي بنك لدخول

   اي مجال تجاري لو كان نسبة نجاحه 99.9 عشان جذي مشروعج بالكامل مايكلف 50 ألف

   ولازم تحطي في بالج بخصوص الديكور واسبولايت مايكلف تكلفه كبيره كامل علي بعضه

   مايدخل في 2000 درهم جبس علي غيره مايكلف 500 درهم مكيف مايكلف 1000 درهم

   واسبولايت وتجهيزات الاضائه ماتكلف تكلفه كبيره دايم حطي في بالج اي محل تحاول

   الشركات الاستفاده منه بشكل كبير ولازم تخلي سالفه سالفة امتار

   وكم بتسويلي 100 متر في 100 جبس وكم بتصبغ ونوعية الصبغه

   جي يكون الاتفاق مايكون الاتفاق تعالو شوفو المحل وبكم بتسو

   اهني بيفرق السعر بشكل كبير

   ونشاءالله قدرت افيدج

   اخوكم

   بن دولار

3. السلام عليكم ورحمة الله وبركاته
   أيش رأيك أخي بن دولار في أن أشتري ذهب خام ثم أعود وأبيعه بعد ما يرتفع سعر الذهب.

   افضل انج تبتعدي عن سوق الذهب سوق الذهب مثل سوق النفط يعتمد

   علي تغيرات الجذريه وليس التغيرات البسيطه اذا توجد تغيرات جذريه مثل افلاس

   بنك تحطم قطار اكتشاف منجم ذهب تدهور اقتصاد اليونان زيادة اسعار البترول

   هذي كالها عوامل تجذب استثمار الذهب في وقتها لانه بعد انحسار الازمه

   في اي بلاد من عالم يرجع الذهب ويرتفع او انا يرجع وينخفظ

   هذا هو سوق الذهب يعتمد علي التغيرات الجذريه وليس مثل الاسهم

   اليوم نازل وبركه نازل ولي بعده مرتفع لاا الذهب عالم اخر ويحتاج دراسه مستقبليه

   ويفضل دراسة سعر الذهب في سنه الي طافت نفس هذا الشهر كم كان سعره

   اذا كان مرتفع يفضل عدم الشراء واذا كان منخفض في سنه الفائته نفس هذا الشهر

   يفضل الشراء والله العالم

   اخوكم

   بن دولار

4. مشروع المستقبل هو سوبرماركت صغير بمساحة 50 متر و عليه اربع نفرات …
   لو خذيته بمنطقة يخدم فيها برجين سكنين ممكن اي حد عنده فكرة او سوبرماركت يعطيني لمحة عن المتوقع من الصافي اليومي و الشهري ؟؟ و متتطلبات الرخصة في الشارجة والتكلفه الاجمالية ؟؟واي امور اخري ببالكم
   ادري انكم مشغولين ومب متفجين تردون بس والله اخوكم محتار ومحتاي مساعدتكم .

   ياخوي بخصوص سوبر ماركت لاتفكر انا السالفه بسيطه انك

   تروح وتظهر رخصه وتبدي مشروعك لاياحبيبي السوبر ماركت مايترخص الي اذا مساحته

   اكثر من 60 في 60 متر ودكان 20 متر في 20 متر

   وهذي قوانين منطقة الشارجه بحد علمي

   قبل لاتبدي اي مشروع لازم تدرس نواحي قانونيه من رقابه الغذائي وغيرها قبلا لاتاخذ محل

   لازم تعرف انا هذا المحل هل يصلح لهذا النشاط او مايصلح او غير داعم لنشاط

   لو المحل علي يساره حلاق مايرخصولك تفتح اي نشاط غذائي

   واذا علي يمين المحل محل حداده او نجاره او تصليح كهربا مايرخصولك

   ويعتبرون انك بتيب التلوث للمواد الغذائيه

   قوانين كثيره ياخوي ولازم تفتح عينك وتدرس القوانين بالدقه وبالحرف الواحد

   وبخصوص الربح ودخل اليومي محد يقدر يعلم في الارباح شي غير الارزاق بيد الله

   امكن يوم تدخل درهمين ويوم تدخل 3000 ألاف فالأرزاق بيد الله ياخوي

   ونشاءالله قدرت افيدك

   اخوكم

   بن دولار

5. السلام عليكم

   اخي العزيز بن دينار

   ارجو منك اعطائي رائيك علي هذا السوال
   
   لو كان عند اي حد مشروع جديد وفي اول سنه دخل راس ماله وكانت هناك ارباح
   
   1 -كم نسبت الاباح الي الواحد ممكن يقول انها مرضيه
   
   2 – هل اي نسبه فوق راس المال في السنه الاول تكون مرضيه
   

   3 – ماهيه النسبه الي الواحد ممكن يقول ان المشروع مب يايب همه

   4 – كيف اقيم النسب المئويه من مقبول الي ممتاز بنسبه

   للمدخول السنوي بمعني متي اقول النسبه هذي مقبوله
   
   وهذي ممتازه

   وجزاك الله خير

   علي ماتبذله من جهد

   مرحبا فيك ياخوي بخصوص الارباح وحسبت هل الامر مجدي لو في السنه الاولي

   المحل دخل نصف قيمة المشروع يعتبر مشروع ناجح

   ولو مادخل اي ربح ودخل قيمة المشروع يعتبر مشروع ناجح وبدرجه الاولي

   لازم ياخوي تحط في بالك لو مشروع يدخل اجار المحل والماي والكهربا وبدون

   مايدخل درهم واحد في جيبك يعتبر مشروع ناجح

   دايم فكر في اي مشروع تفكير مستقبلي من غلاء اسعار المحلات لرتفاع قيمة

   المحل السوقيه لغلاء المعيشه وحط في بالك امر مهم المشروع الناجح مب المشروع

   الي يدخل راس ماله من بداية اول شهر المشروع الناجح

   الي يستطيع انا يستمر ويدير نفسه بنفسه وهذي بنفسها تعتبر انجاز قوي لصاحب المشروع

   ونشاءالله قدرت افيدك يا خوي في ناس تفكر بالأرباح قبل ماتفكر بالانجاز وبتوفيق من الله

   بأنا مشروعه قائم وثابت ركايزه وماتأثر بالسعار او بالمنافسين لو كان محل يبيع اسهل السلع

   يكفي انا الفكره قائمه والمشروع قائم ومع الايام الأرباح اتي والأرزاق بيد الله

   اخوكم

   بن دولار

Comments are closed.