شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. 
   الله يجزيك كل خير على جهود

   افكر اشوي مشروع مخبز في منطقة الشوامخ حيث المنطقة بالكامل ما فيخا شو رايك تنصحني بالهشي ولا لأ

   وكم تقريباً بيكلف ( الله يخليك لا توهقني خخخخخخخخخ ها أول مرة بسوي مشروع حتى ما عندي كاش بتسلف من البنك بس شو رايك)

   سموحه منك ياخوي مانتبهت علي استفسارك

   بخصوص مشروعك ياخوي يبغيله تكلفه عاليه لو تفكر تفتح مخبز متكامل

   مثل خبز اللبناني او السمون هذا النشاط يعتمد علي راس المال بشكل كبير

   واذا تفكر تفتح مخبز يدوي صغير مثل الخبز الايراني او الخبز الافغاني

   فالمحل مابدخل لك مبلغ الي تفكر انك تستربح منه

   انا بعتقادي انك تفكر تسوي مخبز بدايته خبز اللبناني وبعدها تتفرع ولكن

   لو اني نحسب اجارات المحلات في الشوامخ هيه محلات مساحتها صغيره بنسبه

   لفتح مخبز فرقابه الغذائيه مابتصرح لك لمخبز الي اذا مساحته كبيره

   لازم ياخوي يكون عندك تفكير شامل من رقابه الغذائيه وداشرة التنميه الاقتصاديه

   قبل لاتبدا اي خطوه في مجال التجاره او انك تاخذ المحل

   تدرس موضوع من ناحيه قانونيه وبعدها تتوكل وراس المال في مشاريع مخابز كابدايه انتاج

   الخبز اللبناني بيكلفك علي 200 ألف

   لاتنسي انك لازم توفر توصيل لدكاكين وغيره ولازم تدرس موضوع الاسعار لوجود مخابز

   منافسه وبالقوه

   اخوكم

   بن دولار

2. انا افكر اسوي مشروع لغسيل السيارات داخل بوظبي

   والغسيل راح يكون بالخار

   فابي اعرف هل الامر يستحق ان ابطل مشروع من هالنوع؟ وهل القانون يسمح اني ابطل من هالنوع ببوظبي؟
   ولك الشكر

3. اخوي بن دولار

   الله يجزيك كل خير على جهود

   افكر اشوي مشروع مخبز في منطقة حيث المنطقة بالكامل ما فيخا شو رايك تنصحني بالهشي ولا لأ

   وكم تقريباً بيكلف ( الله يخليك لا توهقني خخخخخخخخخ ها أول مرة بسوي مشروع حتى ما عندي كاش بتسلف من البنك بس شو رايك)

   وينك يا اخ بن دولار انقذنا

4. اخي الكريم بن دولار ……….. حياك الله

   انا ائما افكر في مشارع ولاكن ولا عمري فتحت مشروع لاني دخلت في الاسهم و العملات
   على العموم ما رايم في المشروعين:

   1- صالة العاب اطفال في اي مول في دبيIndoor Kids play ground
   2- لقيت مغسلة سيارات في عجمان للبيع ب 100 الف فتحتين و فيها 3 عمال و دخلها الصافي 3000 درهم شهربا و 5000 في بعض الاشهر

   اي المشروعين افضل؟ و ما هي النسبة الي المفروض تكون مقنعه يعني 3000*12= 36000 سنويا يعني الربح من راس المال 36%

   ما هي نصيحتك و رايك

5. بن دولار ساعدني .. بسوي محل بوتيك .. في امارة من الامارات الشمالية .. البوتيك متخصص بس في الشنط و النعل اعزكم الله ..

   ايجار المحل :28 ألف
   خلو المحل : 8000 درهم
   علي يسار المحل : محل عبي و حذاله محل ملابس نسائية و ولادية
   و علي يمين المحل صالون أطفال
   لين اللحين ادور على حد يجهز لي المحل من ناحية الديكور تعرف سبوت لايت و رفووف و غيره .. فمادري كم بتاخذ شركة الديكور و اليوم راح تكون عندي مقابلة وياهم عشان يحددون الاسعار و يشوفون المحل ..

   خذيت قرض من البنك ب 200 ألف .. مادري شو رايك ؟؟ وشكرا

Comments are closed.