—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
يعطيك العافية بن دولار على مجهودك الرائع, وربي يزيدك معرفة ورزق
الله يسلمك ياخوي عندك الفكره وعندك الغرض وعندك مبدئ الملاحظه
لاتخلي هل فرصه تضيع منك اشتغل فيها دور لك محل فاضي وبدي مشروعك
ويفرق السعر بالمكان وين مكان المشروع في حاره في شارع عام في اي منطقه بوظبي
دبي العين الشمال
اي تفاصيل تبغيها حدد لي منطقه ومبلغ راس المال ونشاءالله اقدر افيدك
بس نصيحه لك اشتغل علي هل مشروع بالسر
اخوكم
بن دولار
__________________
الله يسلمج اختي ويعافيج
بخصوص استفسارج اختي ابغي لج نصيحه
كثرة الافكار والمشاريع المطروحه ماتأكل عيش لازم تحطي في بالج دايم المشروع الناجح
يبدي بمعوقات وينتج بالأبداع وينتج بالفرص وبزمان
لازم تحطي في بالج مشروع في خلال اسبوع تقرري شو المشروع المناسب والمشروع الي تشوفي
انج قادره تديره بميع نواحيه دايم المشروع مب راس مال والمشروع مب فكره من مجلة ولا
من موقع والمشروع الناجح ماينعرض للبيع الي لظروووف ضربة راعيه وضطر ببيعه
محد يبيع هل ايام محل يبيض ذهب
عشان جذي اختي لازم تختاري المشروع الي تشوفيه المنطقه محتاجته المشروع الي تبدعي
فيه ونتي قريبه منه كل المشاريع الي ذكرتيها حلوه بس طريقة تنفيذها تفرق في ميت الف محل
تصوير وفي ميت الف خياط وميت الف محلات ميني لكن دايم الابداع هو الفاصل
اتمني انج تحددي المشروع المناسب لج وللناس الي حولج
واي سؤال او استفسار انا حاظر
اخوكم
بن دولار
__________________
الله يسلمك ياخوي ويعافيك
بخصوص البضائع علي النيت يعتمد علي العرض في بضائع يقولك مع الشحن وفي بضائع بدون شحن
اي شي اي من برع لو حتي ميدالية مفاتيح عليها رسوم لو عن طريق البحر او عن طريق الشحن
الجوي ونشاءالله قدرة افيك واي سؤال او استفسار انا حاضر
اخوكم
بن دولار
__________________
اسف علي تأخر في الرد اختي
يعتمد الصالون علي مكانه انصحج خارج المول داخل المول مايصلح اول شي
الاجار المرتفع ثاني شي العرايس او حق حفلات يفضلن الصالون الخارجي
اكثر من المووول لطبيعة الحنا وغيره تتخرطف جدام خلق الله في المول بحناها مب حلوه
عشان جذي اتمنا انج تدوري موقع مميز خارج المراكز التجاريه والله بيوفقج انشاء الله
اما بخصوص المولات مانصحج بالمره ونشاء الله قدرة افيدج
اخوكم
بن دولار
__________________