—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
اسف يا اخوان علي تأخر في رد علي استفساراتكم
ونشاء الله اكون اكفي ووفي في الأجابه بالي يطيب خواطركم
—
اخوي العملات غير عن الأسهم العملات مايحتاي وسيط مايحتاي بروكر
العملات موضوعها سهل تدخل فلوس في حسابك وتبدي تشتري
اما اذا تريد تدخل العملات بمبلغ كبير فوووق 100000 ألف
تقدر تستشير شركات وشي شركة فووكس وشركات كثيره
تقدر تاخذ معلومات كامله عن طريق كتابه في قوقل اشهر شركات العملات
وشو استبيان اليومي وشو مؤشر وغيره ونشاءلله تتابع سوق العملات
حالياً الاسهم مكان امن وهذي نصيحه مني لك ونشاءالله وفقت برد عليك
واذا بحثت ومالقيت انشاءالله بوفي لك كل شروحات تامر امر وتحت امرك
اخوكم
بن دولار
__________________
بسم الله الرحمن الرحيم
السلام عليكم ورحمة الله وبركاته
بارك الله فيك اخويه على مساعدتك للجميع
انا عندي كذا فكره بسيطه تعتبر منزلية وبعضها ممكن تكون في محل خارجي بس ماعرف على شو أرسى لي وافضل المشاريع المنزلية…
اولا فكرت في محل خياطه (مخور + جلابيات وخياطة ملابس المدارس للبنات ) المكان موجود عندي بس المعوقات لي واجهتني ( الخياطين وراس المال )
ثانياً محل خدمات أفراح بنظام العقود يعني اسوي عقود او اتفاقيات مع شركات ومحلات طباعة وتصوير وكوش واعرض على الزباين واخذ نسبه من الربح المعوقات ( ماعرفت اصيغ عقد موحد بالعربي والانجليزي وكم النسبه لي اخذها )
ثالثا: مشروع التصوير الفوري فالافراح يحتاج كاميرا وطابعه ومصوره يعني اشياء بسيطه المعوقات ( ماعرفت وين باحصل مصورات بالساعة وكنت اتمنى يكون الكادر اماراتيات بس مابيرضن يروحن الافراح للتصوير )
رابعا: مشروعين الاجبان و الميني ساندويش(سهلات ومايبالهن راس مال كبير ) بس متخوفه
فبشو تنصحني ؟؟ واتمنى الكل بعد يستفيد واذا عجبتكم فكره طبقوها
السلام عليكم
تسلم يا اخوي عالمجهود، غيرك يقدم هالاستشارات و هالدعم بشوية و شويات، بس ان شاء في ميزان حسناتك
عندي سؤال و أتمنى انه يكون خفيف عليك!
لو بغيت أشتري من موقع الكتروني بضاعة بالجملة يعني كمية كبيرة، يلزمني أدفع جمارك أو شي؟
و تسلم عالمجهود
بن دولار ننتظر درك
لسلام عليكم اخوي بن دولار
يزاك الله خير على جهودك في مساعدة اصحاب الافكار والمشاريع …
انا عندي مشروع حابه استشيريك فيه هو عباراه عن مشروع صالون تجميل للنساء بس حصلت محل في مول اجاره 200000 تقريبا هذا كله راس مال ويريدون ربع المبلغ ونهايته السنه الجايه الباقي لا تنس انا الازم الدفع للديكور والعمال والأجهزه هل أخاطر وادخل او اترك الفكره