—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
السلام عليكم ورحمة الله وبركاته
اخي الفاضل بن دولار..
اريد مساعدة في اعداد دراسة جدوى لمشروع عيادة في بوظبي او على الاقل دلني على احد متخصص لمثل هالمواضيع. كما ان رايك وراي الاعضاء في هذا المشروع يهمني ارجوا ان لا تبخلو علي..يزاكم الله خير
تحياتــــــــي
السلام عليكم ورحمة الله
اتمنى ان تكون بخير عزيزي بن دولار ولايهونون الأعضاء ,,,
وأشكرك على جهودك في مساعدة الاعضاء في الاجابة على استفساراتهم واقدر لك هذا الشيء العظيم
من واقع تجربتك,,
هل ترى بأن مكاتب إعداد الجدوى الاقتصادية كفء؟ ولا شغلتها يقتصر على ترجمة و تعديل الجداوى؟
هل تنصحني في التعامل مع مكتب معين في إعداد دراسة جدوى أقتصادية لمشروع”تقنية معلومات”؟
الخدمات اللي ناوي اقدمها هي
تصميم برامج, مواقع, تنفيذ شبكات الحاسب والهاتف وصيانتها, تركيب انظمة النداء والمراقبة للمستشفيات والمصانع, و مايندرج تحت تقنية المعلومات.
وسلامتك وتعيش ,
بوأحمد
السلام عليكم ورحمة الله وبركاته
اخوي بارك الله فيك والنصيحه للاخوه الاعضاء ……..
عندي اسهم بشركه راس الخيمه العقاريه كميه لا باس بها واريد ان اان ابيعها واشتري بنفس المبلغ ببنك ابوظبي الاسلامي او بنك دبيالاسلامي , للعلم فكرتي ان هذه البنوك ممكن تعطي اسهم منح او ارباح كاش ثانيا ممكن السهم يرتفع اسرع من العقاريه
فاعوض جزء من الخساره لان الفكره انني حولت نفس المبلغ من اسهم الى اسهم ولم اسيل المبلغ لعدم حاجتي له الان
ثانيا … عندي اراضي بالإمارات بعت حوالي نصفها اثناء الازمه العقاريه والاخرى لاتزال, مع العلم لاتوجد اي خساره والحمد لله , في حالة البيع…هل ابيع الاخرى في هذا الوقت لشراء اراضي مع بدايه السنه القادمه بعد ان يبان قاع سوق العقار علما انني لست مستعجلا على البيع …
ثالثا اريد ان اعمل مصنع للطابوق ( منواضعا ) في منطقه بالسعوديه تحتاح للطابوق وهي ايضا بين قري قريبه لها حوالي 100كم , والسئوال هو ؟
كم بدايه الطاقه الانتاجيه ومساحة الارض المطلوبه و ماهي افضل المعدات و العمال والسعر المطلوب كبدايه اي دراسة
جدوى للمشروع مع مراعاة انني ممكن اكبر المصنع ان شاء الله مستقبلا ..
اخي العزيز بن دولار استطيع ان ارسل لك رساله خاصه ولكن ابيت الا ان تتم الفائده لي ولاخواني الاعضاء والزوار الكرام
وشكرا سلفا على الرد
السلام عليكم اخوي بن دولار
يزاك الله خير على جهودك في مساعدة اصحاب الافكار والمشاريع …
اذا ابغي ابدأ في العملات ..كيف تكون الطريقة …من متابعة…. واماكن الشراء والبيع … نوع العملات الي المفروض اشتريها وهكذا ؟
وهل ممكن البداية بمبلغ 100,000 درهم ؟
واذا فيه اي معلومه ممكن تفيدني فيها في هالمجال …
حاولت اتواصل معاك على الخاص بس ماصار …
والله يوفقك ان شاء الله
اهم شي لزبون في مشاريع الصغيره مافي تعقيد في الاستلام وتسليم
انصحج انج تبدي في العملات او الأسهم بعد ماتنمي راس المال
تقدري تدخلي السوق بمحل ومركز ربح قوي انشاءالله انا صراحه خذتها وجهت نضر
عامه وانا اعرف انا الكثير امكن يشوفها غلط وهذي وجهة نظر انا صراحه شفت
انا المشاريع الي علي النت من ملابس واطقم واكسوارات ومشاريع فرش وعسل
مشاريع ماتأكل عيش
اذا بستثمر في هل الاشياء 10000 ألاف وحصل بعد شهر وعوار راس وتوصيل وهذا
يبغي يرجع البضاعه ماعجبته وهذي وصلتها البضاعه متأخره وظهرت
بعد عوار الراس بدخل اذا كثر 15000 ألف ويا راس المال يعني ربحي 5000
انصحكم ياخوان لاتعقو فلوسكم وطرق تكون متلعوزه دايم النظام في تجاره شي رئيسي
ورفع راس المال لازم يكون بالحد المعقول وبالزمن المحدد ومايكون بعد امد بعييد
فا انصحج تنمي راس المال في العملات او الأسهم ونشاءالله وجهت نظري تكون صحيحه
اخوكم
بن دولار