بصراحه من كثر الحره الي فيني من خدمة الشامل للاتصالات حبيت أفتح الموظوع للجميع للمشاركه وابداء الرأي. أعتقد الي سافر شاف الفرق وعاشه من حيث سرعة النت وجودة خدمة العملاء. علي سبيل المثال اذا حبيت تشترك بالنت بأمريكا عندك أكثر من شركه وكل شركه تعطيك امتيازات وفوق هذا الاشتراك مايكون بالزياره الرسميه للشركه مع جواز السفر وألف توقيع بكل بساطه تتصل بالشركه وتعطيهم بياناتك ورقم الفيزا وبعد اسبوع يكون شغال وبسرعة البرق.
بتسافر بريطانيا عندك خمس شركات تختار من بينها الأفظل فعلي سبيل المثال شركة فيرجن تعطيك عرض انترنت+خط تلفون+دش فقط ب 20 باوند بالشهر (150درهم) وبسرعة 2 ميغا. أنا اعرف ان اتصالات المحتكر الوحيد بالدوله وبخبرة 30 سنه بس للأسف سرعه للنت مستحيل مع ان الشامل مفروض أنه الأفظل والمشكله الرئيسيه كل المواقع محظوره حتي لو كانت عباره عن مواقع للبحوث او لشركات خاصه خارجيه بعديعطيك محظور.
أتمني أن تحسن اتصالات من خدماتها الفنيه مب دعايه والواقع ميت. الخبره موجوده والدعم موجود بس مانريد الأ تحسين خدمة الانترنت ويكون ارساله أقوي وأفظل مثل أي دوله متقدمه………
والسموحه اذا طولت بس الموظوع يمكن يستاهل النقاش واسمحيلي يا اتصالات ماينصحك الا الي يخاف عليك ويحبك للافظل
مشكور يا ولد عز وصدقت بس والله مستحيل تتطور اتصالات عندنا مادام تفكيرهم بالماده وليس بالجوده وراحة الناس. ياليت تكون متطوره ومواكبه التطور العمراني عندنا وتكون شرات الدعايات الفاظيه الي يوم تشوفها تقول هنيه ولا بلاش. يبالها سنين لين ماتصير عالاقل مثل سرعة مصر الي منو يصدق هم عندهم الخدمه أسرع حتي الهند وصلت سرعة النت 10 ميغا ونحن فرحانين ب 2. الله يعينا ونتمني ان أتصالات تكون الأفظل من كل النواحي وتبدأ بالتعامل في شبكاتها بالاقمار الصناعيه مب الارظيه شرات افريقيا
من فتره ابا اتكلم عن هالموضوع مشكوور انك فتحته للنقاش …
انا بقولكم سالفتي ويا اتصالات ما بتكلم لا عن المواقع المحضوره ولا عن الاسعار ولا عن السرعه
اتصالات عندهم خدمه اسمها I-WAN هذي الخدمه للمناطق الجديده الي بعدهم ماوصلولها DSL والخدمه هذي للي ما يعرفها عباره عن هوائي ينحط فوق البيت ومداه من 8-10 كيلو متر الخدمه هذي ممتازه وما عليها كلام ومثل ما قلنا تنفع للمناطق الجدبده ونحن بيتنا الجديد مخلص من سنتين يعني المنطقه ما تعتبر جديده بس الكيبل فل يعني ما يقدرون يحطون ولا خط زياده وانطر ياحمار لين ما يك الربيع المهم(مره صاحب البيت الفلاني ما وافق نحط البوكس جدام بيته ومره الفنيين يرسمون المخطط ومره ما عرف شو كل يوم سالفه جديده وكله خريط المهم
استغربت من البطئ الشديد في اوقات معينه كان عندي واحد mb وطلبت 2mb وهذا اقصى سرعه لمثل هالنوع من الانترنت وبعدها السرعه بطيئه وما قدر اسوي upload و يقطع وساعات يشتغل وساعات لا و و و و
المهم دورت في النت عن ها الخدمه الي يسمونها في امريكا وفي باقي الدول wi-max (ماعرف اتصالات من وين سمتها هلاسم واكتشفت انها ممتازه وكل الي استعملها يمدحها فاستغربت وايد وبعد بحث لمده اشهر في النت ومن اماكن ثانيه عرفت الشركه الي اتصالات تتعامل وياها في هالخدمه واكتشفت ان اتصالات تستغل هالخدمه استخدام سيئ وهو لو السوفتوير يتحمل مثلا 60 يوسر يعني 60 شخص اتصالات تضيف 60 زياده على الاريل الواحد بدال ما تسوي سوفتوير ل الستين شخص الثانيين تخليهم كلهم ع نفس الاريل وهذا كله طبعا عشان ما يخسرون عمارهم لان سوفتوير جديد بيكلفهم وايد طبعا انا لين الحين مش متاكد من هذا الكلام الي قلته
الي خلاني اتاكد واحد يشتغل في الاتصالات كان مره الهوائي عدنا خربان فكان يصلحه وماقدر طبعا لان السوفتوير في المركز الرئيسي محترق ليش محترق قالي لان اتصالات تحمله اكثر من طاقته والحين وايد ناس يستعملون هالخدمه لان بيوتهم جديده لين متى ياتصالات
لين متى بس ابا اعرف الناس يدفعون فلوس على الانترنت ليش المقصه واللف والدوران هذا النظام ممتاز بس الرجاء استعماله الاستعمال الصح واذا كانت هالخدمه مكلفه وصلو كيبلات للمناطق الجديده بسرعه لان مافي داعي للمقصه على الخلق اتصلو بعملائكم الي عندهم هالنوع من الاتصال واتحداكم اذا طلع 1% راضي عنها . اي مكان في العالم تقدر تقاضي اي شركه اذا انقطعت خدماتهم عنك وتحاسبهم باليوم نحن النت ينقطع عدنا بالاسبيع وين نشتكي ؟؟ واصلا منو بيسويلنا سالفه ؟؟
ندخل في موضوع الvoip الي هو voice over ip مثل سكايب وغيره (انا ما قلت skype قلت skype وغيره هذي المواقع شو فيها يتخالف مع العادات ولا الدين ولا ولا الي يطلع في صفحتكم المحضوره اتصال عبر الانترنت يعني بالعقل مثال بسيط انا عندي استفسار عن منتج اشتريته ولا افكر اشتريه ولازم اتصل بالشركه على هاتفهم المجاني عشان اسئل سؤالي والاتصال عن طريق هالبرامج بيكون مجاني ليش ادفع حوالي 100 درهم عشان استفسر عن شي وهو اصلا اقل عن هالسعر يعني الاتصال للاستفسار اغلى من قيمت المنتج .
على فكره اتصالات يوم تدخل اي سوق في العالم اسعارهم وخدماتهم تكون من افضل الاسعار والخدمات الا في الامارات ليش الله اعلم
صدقت والله مصر والأردن والهند النت عندهم أسرع بمليون مره ومايقطع بس شو نقول غير الله يصبرنا ويهدي امنا اتصالات
هلا اخوي رحال معقول في مصر هالسرعة 28 ميقة بايت !! وحنا هنيه في بلد مطوره ما وصلنا هالسرعة
المشكله مب من الاتصالات المشكله من هيائة تنضيم الاتصالات في موقع طبي بحت محضوارررررررر ليش مادري معناته مافيه ولا صواره مجرد مراجع طبيه بريطانيه علي فكره مصر عندهم الشامل 28ميقه بايت