السلام عليكم
اشحالكم
عندي فكرة ان شاء الله تعجبكم وفيها فايدة للكل
الفكرة
قسم السيارات والدراجات مخصص لكل هذة الاشياء + الملحقات او الاكسسوارات
الفكرة انا بنفتح موضوع مثبت واحد نضيف فية كل سلعة تخص السيارات والدراجات يقدمها العضو
بشرط انة يعطي الاعضاء خصم ويكون السعر اقل من السوق
مثلا
اخونا عيسى البلوشي عندة قواليص حلوة
يبيع العربانة مثلا ب 4000 درهم
وحق الاعضاء ب 3800
بنثبت موضوعة
مثلا العضو حظك حلو
يبيع كمريسر او بمب هوا ب 500 درهم يسوي للشباب خصم ويسير سعرة 480
نثبت موضوعة
واحد عندة سامان تزويد دراجات او سياير
مثلا هدرز البانشي ينباع ب 1500
هوة يبيعة ب 1400
نثبت موضوعة
كل هذةالسلع بتكون في موضوع واحد مثبت فية العروض ونسبة الخصم
وبهذة الطريقة الاعضاء بيستفيدون من الخصم والبايع بيظهر ربحة لانية يبيع وااايد
وعى قول اخوانا المصرين يابخت من نفع واستنفع 
السعر مهم ولازم يكون اقل من السوق
شو رايكم
فكرة حلوة
وايـــــــــــــــــــــــــــد
فكرة حلوة
لكن لازم يكون في حد أقصى لعدد المواضيع المثبتة
ما يستوي نص الصفحة مواضيع مثبتة
السلام عليكم ورحمة الله وبركاته
الفكره هذه بتنفعنا نحن كأعضاء في المنتدى .وطبعا بيستفيد منها كل البائعين ..
يعني الكره بتكون في ملعب البائعين اذا يبغي التميز وسرعه البيع يراعي اخوانه في السعر واموره في السليم ,,
الفكره طيبه ياسعيد باشا وعيني عليك بارده على هالافكار النيره ..
ونبغي ردود من التجار المعروفين في المنتدى ونشوف شو رايهم ..ونعرف الاضافات اللي ممكن يحطونها على الفكره ..
ونحن في انتظار البقيه …
وشكرا
يعطيك العافيه بوعسكور
وفكرة حلوة صراحه
وانا يدور ف بالي لو انه تسوون قسم خاص لاكسسوارات السيارات
يعني حد يبا يبيع ساوند سيستم يعرضه بقسم الاكسسوارات
حد يبا يبيع تواير مثلا يعرضه هناك ,, شو رايكم
والله يوفقكم ان شاء الله
أنا معك في الفكرة والفايدة الكبيرة والاهم اللي بيستفيدها الاعضاء والزوار هي أن الصفحة الأولى بتفضى من الأعلانات اللي صار لها فترة وهي مسيطرة على هذة الصفحة !!!!!!!!!!!!
الموضوع بيدك وانت المشرف ياليت يتنفذ من جد ………..