شو أحسن مخفي (عازل حرارة)

56 thoughts on “شو أحسن مخفي (عازل حرارة)”

1. v koooooooooool
   وبسسسسسسسسسسس

2. انا مركب عند تيتانيوم وسارة ثانية عند السهمك الفضي

   تيتانيوم ارخص

   حرنا لايفيد معاة Vkool ولا غيرة

   ميزة هذة الانواع انها صافية واتشوف وانتة مرتاح

   بس حتى التيواني يمدحونة بو 80 درهم

   بس بشرط اتغيرة كل 8 شهور

   هب اتخلية لين مايحلط ويغدي املح

3. انا مجرب V KOOL بصراحه اول ماخذته شكيت فيه لكن يوم هل علينا القيض عرفت جيمته
   وعلى فكره اعرف واحد فى وكالة الفطيم فى دبي بيسولي خصم للصالون مثل الكامري 1200 تقريباً و للفرويل 1700 تقريباً وممكن اعطيك اسم الشخص وشيك معه وهذا وانت حر ….
   سمعت انه يركبونه لزجاج الطائرات …
   عندهم نوع شفاف جنه مب حاط مخفى وهذا موقعهمwww.v-kool.com/ – 5k

4. انا عندي في كول على سياره و على الثانية عازل مركبه من محل شامل اللي قال عليه الاخ Fighter ، و فعلا الفي كول افضل ،

   طبعا مثل ما قال اخوي منقذ ، مب معناته انك مركب في كول انه السيارة بتكون باردة ، لا ، و لكن بتكون حارة شوي و يوم تشغل المكيف بس 5 دقائق بتحس ان السيارة صارت اوكي ، على عكس العمخفيات العادية تشغل المكيف و ما تحس ان الجو اوكي داخل السيارة الا يوم توصل مشوارك و بتنزل من السيارة 🙂

   اخوي انت شوف اللي يناسبك من حيث الجودة و السعر و قرر ،،

5. أخوي الملك.

   يعزل الحرارة مب معناه مثل كما قالوا الشباب تحطه وتتوقع يكون الجو داخل بارد حتى لو موقفها في الشمس!

   لو السالفة جذي جان الثلاجات حطوا عليها عازل حراري وتخلصوا من التبريد والكهربا!

   العازل يا أخوي يعني السيارة تحر بسرعة أقل من المخفيات الثانية.

   يعني لو سيارتي فيها في كول وسيارتك فيها مخفي ثاني.. ووقفناهم تحت الشمس ودخلنا مبنى نخلص معاملة لمدة ساعة.

   يوم نرجع للسيارات سيارتك بتكون حارة وايد وما تروم تلمس السكان. سيارتي بتكون حارة. بس عادي أقدر أسوق.

   لكن مب معناته ان السيارة تتم باردة كأن المكيف شغال.

   منقذ

Comments are closed.