السلام عليكم ورحمة الله و بركاته
للاهية وقبل اتخاذ القرار سؤال لاهل الخبرةوالدراية
شوالفرق بين المرسيدس الخليجي S500 ووالوارد الامريكي S550
وهل في اختلافات جوهرية في المواصفات و ايهما افضل
وهل الوارد الامريكي يصان ف الوكالة او مثل اللكسز مايقبلون ايدخلونه في وكالة الفطيم
وجزاكم الله الف خير
السلام عليكم
الفرق وايد يالطيب
اولا المواصفات تفرق
ثانيا الشكل نفسه بس في قطع غيار تحتاج تبديل
ثالثا انته الخسران الامريكي ما يبيع برغي ويعطيك الواشر ببلاش
خلك من المرسدس معقد اطلب كوكاكولا من امريكا ولا اقولك اطلب الغدا والعشا والريوق من امريكا بيطلع عليك ارخص
الحين انته عندك 100 درهم يوم تصرفهن درهم درهم ما تحس انك صرفت ………… لاكن ……….. يوم تصرفهن مره وحده تقوووووول اووه انا صريييييف انا مبذر لازم اوفر
المهم هذا كلام ولازم ينقال
تعال وشوف الفرق
اول شي الخليجي
– الوقت تقريبا نفسه لو طلبت طلبيه من الوكاله بالمواصفات اللي تباها او اذا كان متوفر هذا بعد كلام ثاني
– السعر فرقت 15 الف تراك بتدفعها في الشحن
– الاشارات تفرق
– الكمبريسر يفرق
– مواصفات الكمبيوتر تفرق
وغيرها بس اخر شي كله تحت ضمان الوكاله ادفع عسبيل المثال 410 الف وامن وجان بتركب كيت ركب
اما الامريكي
– اغلب الفروقات مذكوره فوق
– غير هذا يمكن تحصل اللون اللي تريده وما تحصل المواصفات اللي تباها ويمكن السعر يقرق ولو حصلت اللي تباه لازم بيكون فرق لا تقولي ما في فرق
– ادفع شحن
– ادفع تغير البرنامج مال الكمبيوتر
– ادفع حق السيرفيس
– ادفع جمرك
– ادفع تامين
– ادفع فع اذا طلع فيها اعطال انته ما تدري عنها
– خسارت وقت
———————————————–
ومب تيبلي اس 500 في الكاله ب 390 الف 0 كيلو
و
واس 63 من امريكا ماكل عليه الدهر ب340 وما دري كم كيلو مشخوط فيه
وبعدين تقولي المريكي والامريكي
المهم انته شو تبا تركب …. وفكر في كلامي صح
تخسر بنقول 280 الف عشان توفر 100 انته ما تدري عن شو بيطلعلك من اعطال ولا خرابات
ولا تدفع 380 الف وتفك عمرك من الصدعه وتخلي الوكيل يدللك ويهتم فيك ويرسلك مسجات تعال وقت السيرفس
والله يوفقك
والسموحه كلمه حق لازم اقولها
وانته شورك في راسك تعرف خلاصك
مرحبا اخوي الاثنين نفس الشي بالضبط
واذا تبا الشور خذلك وارد بتوفر على نفسك وفي النهاية نفس الشي…
الاثنين نفس الشي اخوي ماشي فرق الا السعر…
S500 & S550
Same engine
واذا تبا اي استفسار اخر بخصوص المرسيدس خبرني وبفيدك واذا تبا قطع غيار وكالة اصلية برخص بخبرك وين اتروح وانصحك اتشيك موترك بعد ما تاخذه ان شاء الله او قبل ما تاخذه شيك في وكالة الإمارات في مصفح اكبر وكالة مرسيدس في العالم ومعاملتهم 10 على 100 شي صح