اليوم باخبركم عن شراب الحبه الحمراءواللي مشهور جدا عندنا في الإمارات باسم “الحريروه” وكلن له طريقته في عملهاونحنا متعودين نسويه مخصوص للوالدات “الحريم اللي في النفاس“
للأسف ماأعرف شو السر فيه .
المهم ننتقل للمقادير.””بطريقتي أنا“”
2فنجان من الحبه الحمراء
1فنجان سكر
4أكواب من الحليب
3ملاعق صغار من القرفة المطحونة
ملعقة صغيره فلفل أسود مطحون
نصف ملعقة صغيرة من الحبة السوداء مطحونهقليل من الزعفران
3ملاعق كاسترد باودر أو ملعقتين طحينطريقة التحضير..
1ـ في وعاء نضع فنجان الحبة الحمراء في كوب ماء دافي ونحركه شوي عشان ماتتكتل الحبوب مع بعضها ونخليه ربع ساعه
2 ـ بنلاحط إن الحبة صار عليها مادة هلاميه والماء نشف . وعلى طول نضيف فنجان سكر بطريقة دائرية يعني نوزعة على الحبه الحمراء لأن الحبة الحمراء ساعات يكون فيها حصى صغار صعب نطلعهم إلا بإضافة السكر فيتراكم في قاع الوعاء.
3ـ نضع فنجان سكر + الحبة السوداء + القرفة +الفلفل الأسود+الزعفران+الكاسترد او الطحين مع 4أكواب الحليب وعلى النار حتى يتماسك قليلا .
4 ـ أخيرا نضيف الحبه الحمراء الى الخليط السابق بس بحذر حتى ماينزل الحصى اللي متراكم تحت ومش مهم السكر اللي في القاع لأن القصد من السكر مثل ماقلت لكم يعزل الحصى عن الحبه الحمراء.
وختامايارب تعجبكم..”الحرييييروه” أدري الكلمة صعبة لكن شو نسوي هذا الإسم المتداول عندنا في الإمارات
ملاحظه : ما حصلت صور دورت ولكن ما لقيت .. وان شالله شكلي بسوي كوب وبصوره لكم
وتحياتي لكم.
سلبت الروح
هــذا المفضــــل عنــدي .. يمــي يمـــي
وأخبــرج ،، شــي طريقــه ثانيــه ،، يســونهــا بالحبـــه الســوده ((حبــة البــركه)) .. ثجــيل لــكن لــذيــذ ،، خــاصه إذا كــان مغــرق بالسمــن ..
وايـــــــــــــــــد مفيـــــــــــد ..
==========
تبيــن تعرفيــن الســر ؟؟
بخبــرج على الخــاص ..
===========
فترة النفاس حلوه ترها .. بتدلع آخر دلع كل يوم بشربونك الحبة الحمره وغير الهداية .. شو رأيك مب في خاطرم تأخذ فترة نفاس .. بدل خبصة الدوام والزحمة الشوارع ..
شو الرأي
ومثل ماقلتي سوالف حريم
هههههههههههههه
عالعموم مشكووره وان شاء الله يستفيدن الخواات
بدينا بلحسد
شو ها .. كل شئ للحريم للحريم .. هم عندهم نفاس وأحنا حرام علينا يعني مانتنفس وياهم شوي عن خاطرنا .. خخخخخخخخخ
يسلمووو يسلموووو أختي سلبت الروح .. وأتمنى أول كوب تسوينه يكون من نصيبي ..
ومشكور على الطريقة ..