السلام عليكم ورحمة الله وبركاته
اخواني موضوعي هذا يتكلم عن شركة الخليج للملاحه القابضه والتي إن صح التعبير يجب ان يطلق عليها الهابطه … والسبب يا اخوان إن السهم من أسوأ الى أسوأ … فمن المستحيل ان السوق يصعد بما يعادل ال2000 نقطه والأخ .. عفواً والسهم ما يتفاعل مع هذا الصعود القوي على فترات الصعود للسوق … واللي يقهر إن السوق يطير 125 نقطه والسهم ما يصعد إلا 2 فلس … والكارثه إنه بمجرد هبوط السوق بحدود 50 نقطه على أسوأ تقدير تشوف السهم اول واحد بالهبوط لا ومرات ينزل بحدود ال 10 فلوس او اكثر …. ليش ما ادري ….!!
والقهر إن سهم سوق دبي ادرج بعده ووصل سعره الى 7 درهم تقريباً مع العلم بأن سهم سوق دبي محقق خساره تعادل 34% حسب علمي … أما سهم الخليج للملاحه فهو محمل بالأرباح …….!!
نقاط تعجب كثره وأسئله تدور في ذهني لم اجد لها تفسير لحركة هذا السهم …. فقلت علني أجد من ينورني من هذه الناحيه .. لأني وصلت لمرحله اليأس مع هذا السهم ….. هل ابيع ام انسى السهم !!!!
وشكرا …. وتقبلوا تحياتي
بنشوووف شو اخرتها مع الملااااحه
مع انه من الاسهم المغريه بس حركته اثقل من السلحفاااء
ذكرتوني بارابتك قبل عامين
قعدنا نقول يبغونا نمل علشان نبيع ونحن معاندين ومصرين على موقفنا الين ما طلعنا من المولد بلا حمص
فعلا يبونا نمل ونعق بس ان شاء اللة بتبيعة فوق
عناد بالشركه وبالتجار ماراح ابيع اسهمي … إلا بسعر 5 درهم (( ادري اتحلم بس عادي )) لأنهم شكلهم يبون صغار المستثمرين يملون ويبيعون اسهمهم علشان يشترونها هم بأرخص الأسعار .
الصراحه السهم يرفع الضغط