السلام عليكم ورحمة الله وبركاته
اخواني موضوعي هذا يتكلم عن شركة الخليج للملاحه القابضه والتي إن صح التعبير يجب ان يطلق عليها الهابطه … والسبب يا اخوان إن السهم من أسوأ الى أسوأ … فمن المستحيل ان السوق يصعد بما يعادل ال2000 نقطه والأخ .. عفواً والسهم ما يتفاعل مع هذا الصعود القوي على فترات الصعود للسوق … واللي يقهر إن السوق يطير 125 نقطه والسهم ما يصعد إلا 2 فلس … والكارثه إنه بمجرد هبوط السوق بحدود 50 نقطه على أسوأ تقدير تشوف السهم اول واحد بالهبوط لا ومرات ينزل بحدود ال 10 فلوس او اكثر …. ليش ما ادري ….!!
والقهر إن سهم سوق دبي ادرج بعده ووصل سعره الى 7 درهم تقريباً مع العلم بأن سهم سوق دبي محقق خساره تعادل 34% حسب علمي … أما سهم الخليج للملاحه فهو محمل بالأرباح …….!!
نقاط تعجب كثره وأسئله تدور في ذهني لم اجد لها تفسير لحركة هذا السهم …. فقلت علني أجد من ينورني من هذه الناحيه .. لأني وصلت لمرحله اليأس مع هذا السهم ….. هل ابيع ام انسى السهم !!!!
وشكرا …. وتقبلوا تحياتي
ما شاء الله الجماعه كلهم داخلين فيه
عز الله انه ارتفع
مافيني اكرر مأساة ارابتك قبل عامين
اطلع احسن لي دام المقرودين فيه ^_^
اكثر سهم ربحني
سهم بارد وفاشل بصراحة بكل المقااااااييس…أنا بغيت أسوي عرس يوم افتكيت من هالسهم المقروود…مالت عليه و الله يصبركم عليه أخواني
هذا السهم ربحت ربح غير طبيعي وكل اناس يقولون خسرانين شباب لاتعبون نفسكوم ويا هذا السهم الا يريد يربح فيه مطلوب منه
1 الصبر
2 لا تشتريه الايكون السهم رخيص ولاتبيعه الا يوم اتشوفه غالي
مثلا الحين اشتريه 1.58 – 1.52 بيعه 1.73 -1.84 وغير هاي الطريقه لاتدخل واسمع نصيحتي خبير في هذا السهم
إحساس مشترك ……