السلام عليكم اخواني و خواتي
انا مره سمعت من اخويه ان في شباب يشترون تريله (شاحنه) هذا الكلام حق الي ما عنده شركه مقاولات المهم يشتري شاحنه و يعطيها شركه مقاولات و يكو،ن عقد من بينهم علي ان شهريا يكون دخله ما بين ٢٠ الف درهم الي ٤٥الف درهم انا الي سمعته ان المرور ما يسجلون تريله باسم شخص لازم اتكون عنده رخصه مقاولات
بس اذا حاب يشتري يعطي الشركه وهيه تتكفل بكل شي الا طبعا الفلوس علي الشخص نفسه انتو شرايكم هل في شركات مقاولات موثوقه نقدر نطلب منهم هاي الشي ؟ التريله في الوكاله تقريبا سعرها ٦٠٠ الف درهم و في اغلي و شي منهم يشترون مستعمله تي علي ٣٠٠الف و ٢٠٠ الف
و السموحه
اخوي تكساس ممكن تساعدنا لو فكرنا ناخذ شيول
اخواني الاكارم التريلات شغلتهن شغله دوخة وجع راااااااااس .. ونادر ماتلقون سايق امين يحافظ عالشاحنه
اما بخصوص الشركات اللي تستأجر الشاحنات فنعم موجودة ولكن معظمها تستأجر الجديد ولجنة المرور والترخيص تسمح لكل من لديه شركة نقليات او مقاولات بامتلاك شاحنة او شااااحناات .
ولكن من ليس لديه اي شركة فيمكن ان يستأجر الرقم من شركات النقل حسب الاتفاق ويقوم بتأجيرها باسم الشركة وهذا طبعا بعد ان يعمل عقد اتفاق بينه وبين الشركة التي قامت بتاجيرة الرقم ليحفظ حقة..
وكان افلوسكم كاش حاضرين لرقام موجودة وفالكم طيب …
وبالنسبة للاسعار يمكن تحصلون ب200 او اقل ولكل شركة مواصفات خاصة بالشاحنة التي تستأجرها
ولكن المشكلة بالقوانين الجديدة يجب ان يكون السائق يحمل اقامة سارية باسم الشركة نفسها مالكة الشاحنة والمرخصة باسمها قبل كانوا يستاجرون شاحنات بدون سواقين والسواقين من عندهم واليوم لا..
بس مرة ثانية اقولكم التريلات وجع راااااااااااااااااااس ..
انا اقدر ادبرلج شركة شخص مواطن موثوق منة
بس لو تاخذين شيويل بيكون احسن
انتي تشترين و هم يتكفلون بكل شي
عندكم الايجابي بيرد على الاساله
بالتوفيق
تسلمين اختي على هالموضوع
بالنسبه للتسجيل ماعندي خلفيه فيه
اما بالنسبه للعقود انا سمعت عن عقود تكون لمده سنتين او ثلاث بواقع ربح على حسب الصيانه اذا عليج او عليهم ونفس الشي السايق
سمعت من واحد م الربع ان شي شركات تعطي 35 الف وفي شركات تعطي اكثر
هي فكره حلوه ودخلها حلو وايد
وبالتوفيق ان شاءالله
وعندي استفسار بسيط عن التريلات المستعمله هل بنلاقي تريلات اسعارهن 200 الف وتحت ولا ماشي مجال وهل شركات المقاولات تبي انواع محدده ومديلات محدده ولا عادي
وشكراا