سيارتي المرسيدس اليديده…احترقت اليوم !!!

39 thoughts on “سيارتي المرسيدس اليديده…احترقت اليوم !!!”

1. الحمدلله على سلامتك

   الاخوان و الاخوات ما قصروا و عطوك افضل النصائح

   و ان شا الله تستفيدي

   اسمحيلي الموضوع اخذ حقه من النقاش

   تحياتي لك اختي الكريمه

2. الحمدلله على سلامتج اولا

   احتمال العيوب المصنعية وارد جدا في كثير من السيارات. واحيانا تكون هناك عيوب مصنعية يتم تصليحها عند اكتشافها لاحقا في ورشة الوكالة دون ان يعلم المالك.

   تبديل السيارة شبه مستحيل، صديقي اشترى مرسيدس من الوكالة وعند 600 كيلو توقفت سيارته في نصف الطريق..وخلال 1500 كيلو توقفت السيارة عليه اكثر من 2-3 مرات. في هذه الحالة يتم تصليح السيارة ولا يتم تبديلها بهذه السهولة.

   موفقه ان شاء الله..

   عشان جيه انا منحبطه…السياره ما كملت 4 شهور و احترقت وبتم وياها على الاقل كم سنه الين ابيعهااااااااا بصيييييييييييييح ما ابا اسوووووووووووق سياره شفتها تحترق بعيني …كل شوي باتخيلهاااااا

3. يا ويل حالي….الحمد لله على سلامتج..ختيه..

   في السيارة ولا فيج..

   من رايي ودريها..لأانه لو أنا مكانج..

   أحس كل ما بحطي السويج عسب أشغلها بتحترق أو تنفجر…

   أحس نفسيا عفتيها…

   شراتي أنا لما خذت سيارتي من الوكالة(المانيه)..وكنت أتمشى فيها..وكان الجو مطر شديد..وقوي..وريح..ومشغلة المساحات..

   وفجأة تخيلي شو صار…

   طارت المساحات مال الجامه…أنا أنصدمت..حسيت أن السيارة بتطير وياهم..من الهوا والمطر..

   وتخيلي …..تخيلت فيلم التيرنيدو..يوم السيارة تطير والبقرة تطير..حسيت أنا بطير وياهم..لووووول

   ورمست الوكالة…اونه..المساحات مش مركبة عدل..!!!!!!!!!!!

   الله يعينج..أستخيري بأمرها..والله ييسر لج ولليميع..

   أختج،،،،

4. الحمد الله علي السلامة

   عين ما صلت علي النبي
   اكيد حد رشت بعين حاره يمكن حد من الشياب الي عدالكم
   الله يكفينا من العين بس

Comments are closed.