السلام عليكم
اشحالكم خواااني واخواااتيه
اليوم احترقت سيارتي المرسيدس الجديده (اشتريتها شهر 6)…وانا كنت فى السياره وربي ستر ويات سليمه ….الحريق كان في المروحة و ما تاثرت السياره وايد…بس شو سبب الحرق ما نعرف!!!
بغيت رايكم و شوركم…كيف اطلع من هالسالفه ..السياره محترقه وبيبدلون مروحهتها بس!!!!!!مع بعض الاجزاء اللى تاثرت…حراااااااااااام قلبي يعورني …محروقه وبيوزموني اياهاااا..ما اباهاااا>>>صدقوني ما بسوقها وما بطيحها دااااااااام علقت فى راسي
اكثر الناس يقولون خذي وحده يديده….بس الموضوع مب بهالسهوله…شو الحل؟؟!!
الله يخليكم اللى عنده ترتيب والا راي لايبخل عليه …اي حل …..اااااااااي ترتيب ..بانتظاركم
الحمد لله على سلامتك
وما تشوفي شر
الحمدلله على سلامتج اولا
احتمال العيوب المصنعية وارد جدا في كثير من السيارات. واحيانا تكون هناك عيوب مصنعية يتم تصليحها عند اكتشافها لاحقا في ورشة الوكالة دون ان يعلم المالك.
تبديل السيارة شبه مستحيل، صديقي اشترى مرسيدس من الوكالة وعند 600 كيلو توقفت سيارته في نصف الطريق..وخلال 1500 كيلو توقفت السيارة عليه اكثر من 2-3 مرات. في هذه الحالة يتم تصليح السيارة ولا يتم تبديلها بهذه السهولة.
موفقه ان شاء الله..
يا اخوي المشكلة في الوكيل هني ( خصوصا وكيل دبي ) ما يوقف مع الزبون .
انا كنت شاري من عندهم GL500 العام اللي طاف موديل 2008 و السيارة على ال 500 كيلو ظهر لي تحذير ان الزيت ناقص !!
اتصلت بخدمة مساعدة الطريق و اخذوا السيارة و بعد اسبوع قالوا انه سنسر خربان و بدلوه و الحين تمام ،، و عقب 500 كيلو ظهر نفس الشي و سرت و هاوشتهم و وقفت السيارة عندهم ، و يوم راجعتهم بعد كم من يوم قالوا انهم بيبدلوا الماكينة !!! تخيل شاري مرسيدس وكالة و تتبدل الماكينة على ال 1000 كيلو !! انا رفضت و رفعت الموضوع لمكتب الشرق الاوسط و عقب اسبوع سرت اشوف شو صاير وللا الشباب مبدلين الماكينة ( مع اني رفضت ) ، و مكتب الشرق الاوسط ما سوى شي ، ووزارة الاقتصاد ما سوت شي وحماية المستهلك ما سووا شي ، لانه بكل بساطة يوم يبيعونا سيارة غلطتنا اننا ما نقرا كتاب الضمان قبل لا نوقع عليه ( للاسف ) .
فيه فقرة في كتاب الضمان تقول انه يحق للوكيل استبدال اي قطعة في السيارة بدون الرجوع للمالك ما دام ان القطعة هذي بتحل مشكلة عطل السيارة .
انا ما قبلت اني استلمها و اشتروها مني هم بعد خصم مبلغ محترم ( قالوا لان المكينه مبدله ) !!!
الله المستعان
اول شي الحمدالله على السلامة
ثانيا اطلبي من الوكاله تغيير السيارة
واذا رفضوا اطلبي رقم المدير التنفيذي لشركة المرسيدس وقدمي شكوى خطية واذا ما فادوج عليج بالمصنع في ميونخ طرشيلهم ايميل وبيفيد
والله المستعان
حمدلله ع السلامه