السلام عليكم
السموحة منكم اخواني بس حبيت استشيركم في السيارات (الالمانية – الامريكية…………….
لانه الاهل يريدون يشترون سيارة فورويل بس صغيرة نفس المورانوا
وانا الصراحة ما عندي خبرة في السياير وايد
المهم ……….
مواصفات السيارة سعرها فيها
تكون مريحة في السواقة ما تصرف بترول وايد
حجمها مناسب حق اليهال الصغار
تكيفها اوكيه
وكيل السيارة في الامارات يكون السرفس ماله زين بعد
وانا الصراحة راسي دار من كثر ما اسأل والاهل يطلعولي كل يوم صورة لسيارة معينة
اللي عنده تجار لسواقتنهن يخبرني واللي عنده اقتراح بعد يضيفه
انتظر تجاركم
مشكورين وما قصرتوا
شكلي بروح اجوف
اكاديا بعد لان وايد من الردود مدحوها
السلام عليكم ورحمة الله وبركاته
اخوي عليك بالراف4 2011 شكله تغير وصار شرات الطوارق 2008 من جدام
والموتر ما يباله لا صيانه ولا شي اللهم اترسه بترول و بدل آيل … وقطع الغيار تلاقيها في كل مكان
واذا اخترب عليك اي جراج يعرف يصلحه
الموتر حلو و واسع من الداخل و عملي و سواقته سهله
والله رايي ك بنت
اذا الحرمه عيوز يا مورانو يا راف فور
لكن اذا بعدها شباب :
عندك اودي فورويل حمرا طررررر-اذا الميزانيه تسمح
او اف جي حق اليهال زينه بس عليهم بفتحون الباب
والسوزوكي خفيفه وماتصرف بترول وسيتاتها مريحه اربع بيبان
برادو لا مب حلوه
واللكزس وايد حريم يحبونها
وعندك اللاند كروزر بعد
اذا تبا امريكي بعد شوفلك الفورد اكسبلورر اليديد تغير 360 درجه عن الجديم وسعره سته سلندر فل اوبشن 140 يلد وشاشه
والطاير ماعليه كلام
السلام عليكم ورحمة الله وبركاته
Dodge Nitro
Good choice and good price
But better to buy it as a used car cause the price will be much cheaper than the agency price
If u want 1 tell me
Good luck