السلام عليكم
السموحة منكم اخواني بس حبيت استشيركم في السيارات (الالمانية – الامريكية…………….
لانه الاهل يريدون يشترون سيارة فورويل بس صغيرة نفس المورانوا
وانا الصراحة ما عندي خبرة في السياير وايد
المهم ……….
مواصفات السيارة سعرها فيها
تكون مريحة في السواقة ما تصرف بترول وايد
حجمها مناسب حق اليهال الصغار
تكيفها اوكيه
وكيل السيارة في الامارات يكون السرفس ماله زين بعد
وانا الصراحة راسي دار من كثر ما اسأل والاهل يطلعولي كل يوم صورة لسيارة معينة
اللي عنده تجار لسواقتنهن يخبرني واللي عنده اقتراح بعد يضيفه
انتظر تجاركم
من واقع تجربه فسيارات ال كاديلاك ممتازة من حيث الصيانه والضمان ون احسن الوكالات ….
كاديك srx سيارة نسائية جميلف وفيها جميع المواصفات من شاشات للاطفال وغيرها من المواصفات الجميلة…
السيارة عليها ضمان اربع سنوات وصيانة 100 الف كلم مجانا يعني اتسوقها وترميها للصيانة بدون دفع مبالغ اضافية اما السيارات الثانية فتشتريها بسعر وتدفع صيانة كل مرة يعني تدفع على سعر السيارة صيانة كل مرة ولكي تصل الى ال 100 الف كلم تكون دفعت يمكن 30 الى 40 الف درهم صيانة فضيفهم على سعر السيارة فيطلع لك السعر الحقيقي للسيارة اما ال كاديلاك مثل bmw عليها صيانة مجانية فلا تدفع اي مبلغ اضافي ….
عيبها الوحيد هذه السيارة بان قومتها اشوية تعبانه بالنسبة لنا كرجال اما للنساء ممتازة وليست فيها اعطال فانا عندي كاديلاك للسائق من سنه 2007 وممتازة السيارة …..
سعرها 185 الف درهم ل 2011 ……
ممكن اخوي تطلب منهم سيارة لتجربة سواقتها فيعطونك اياها لمدة يوم كامل تجربها …..
خذ لك فورد أيدج لأن أستخدامه واليد زين
والوكيل مالها يحترم الزبون
وهاي حسب تجربتي
مافي غير ال جي 500 ^_^ نصيحة مجرب
احلى شي للحريم و الرياييل
جفت صورة الراف فور
و البرادو بعد شكلهن زين
مشكور اخوي على النصيحة
كل هذول طبهن
وعليك الراف 4 او لكزس rx 350 او هوندا بايلوت او برادو 4سلندر