اطلب اي سياره في خاطرك
واستلم بعد 45 يوم
والدفع نقدا …
لاكن استلم شيك بقيمه الدفع ضمان لسلامه اموالكم
مرسدس سي ال اس 550 2008 بسعر 180000 واصل الامارات ماشي 12000 الف مايل
مرسدس اس 550 2008 بسعر 260 واصل الامارات ماشي 4000 مايل
ولا تفوتكم بووووووووووووورش على الزيرو بسعر 220000 واصله الامارات
علما بان الاسعار شامله الشحن والجمارك يعني ما تدفع شي حتى تسجيلها بالامارات علينا …
للاستفسار 0503188830 محمد المزروعي
وبالتوفيج
السلام عليكم،
ماشالله الموضوع وصل فوق العشرين صفحة…
في مداخلات من اخوان تعتبر جدا مفيدة وجيدة وخاصة للذين لا يعلمون خبايا واسرار تجارة السيارات الوارد… ولكن اعزائي، كل واحد منا يملك عقلا ليفكر به، والانسان الشاطر لا يشتري سمكا فالبحر، فمن الشروط الشرعية للتجارة النزيهة “تجارة عن تراض” ان تتم معاينة الشيء بالعين المجردة..يعني الشاري والبايع يتفقوا عن تراضي ..والشاري اذا كان سفيها لدرجة أن يشتري سيارة بعشرات آلاف الدراهم من مجرد مشاهدة صور..فعذرا ..الاولى أن تتصدق بمالك لأسرة منكوبة على أن تغامر بمالك بسبب الغباء…
سوق العوير دبي…هناك مئات المعارض لديها الاستعداد لتوريد أي سيارة ومن أي بلد مش بس امريكا…وكل ما عليك هو انك يوم الجمعة تروح العوير وتشوف بعينك…راعي المعرض يعرض عليك صور كبيرة واضحة وضوح الشمس..وتقرير عن الماكينة والكار فاكس (شهادة لياقة صحية للسيارة) والخ..وبعد ذلك اذا عجبتك السيارة تحجز ب 500 درهم قابلة للرد في حال وصول السيارة وتبين ان بها عطل او خلل لم يتم توضيحه قبل الحجز…شو رايكم …في احلى من الصراحة والوضوح ….توصل السيارة بالسلامة ..اذا فيها اي شي مش عاجبك…تفضل فلوسك..ومع السلامة..وكفى الله المؤمنين شر القتال…
والله في ناس (تجار صح) يشتروا السيارات ويوصلوها الامارات على حسابهم، ويفحص السيارة وكل شي..وبعدين يعرضها للبيع ويحط ربح من 5 الاف الى 10 ….
اما تقولي لكزس فل الترا 2005 اب 130 الف….يعني ما تركب… لأن الخليجي او الوارد حاليا اللي 2002 + شاشة ماسك سعره بين 100-120 حسب النظافة…فمبالك ال 2005 لا والترا…
انا من فترة حصلت موديل 2002 بدون شاشه لونه رمادي ومن داخل بيج..والله طلب 80 ..ويخلص ب 75 ..بس رغبتي شاشة…
بعدين في ناس فاتحين شركات بيع سيارات ومتكلفين رسوم رخصة ..وعمال…وبلدية..مصاريف والخ… و لو السالفة عن طريق مندوب فل انترنت ..احسن كل المعارض تسكر….
وعندي اقتراح للإدارة…المواضيع اللي يصير فيها اتهامات وتشكيك…الأفضل انها تغلق…واللي يبي يعلن نفسه تاجر سيارات عليه مراجعة ادارة الموقوع وتقديم ما يكفي من مستندات تؤهلك لأن تكون تاجر…مجرد اقتراح..وهدفه راحة الناس..
البكر نسيت تكتب في مشااركتك:
سعود بن عبدالرحمن البكر الزعابي
هاتف مباشر بأمريكا *************
ميامي – فلوريدا – الولايات المتحده الامريكيه
ههههههههه انا ابا اعرف انت متاكد انك في مكتب رعاية المصالح التجاريه !!!
منوو حطك ابا اعرف والله ؟؟
واذ ماتعرف النرجسيه مالومك عايش في امريكا زين منك تعرف عربي وتشوف بنك بروو
بس الشباب بعلموونك النرجسيه مابقصرون ..
والله قمت المصخرة ………
عيب عليك يا سعود والله عيب
نحن من صغرنا تربينا على أن لو ريال كلمنا بأدب نرد عليه بأدب .. إلا إذا انت مش متـــ !!!
للأسف يا سعود .. إنت مسوي عمرك شيء ومصدق عمرك .. يا خي اكسب فلوس ودخل ملايين الملايين في حسابك وحاول تصير ملياردير .. بس إذا ما عندك أخلاق قسمبالله ما تسوى فلس جدام الناس
يا إدارتنا الموقرة .. دخيلكم دخيلكم .. إدخلوا في الموضوع وشوفولنا حل .. يعني معقولة يرد على أخونا سواف بهالطريقة الإستهزائية وما تقولون له شيء ؟؟؟؟!!
والله ما قصرت يا سواف .. وما عليك زود .. رد قمة في الأدب والإحترام والواقعية
ولخصت كل شيء في هالرد الجميل
يزاك الله ألف خير