السلام عليكم
في حكمة تقول
انتبه دائما الى افكارك فقد تتحول الى افعال في لحظة !
سوالف بعض الشباب ما تكاد تخلو من ثلاث اشياء
الحش في الناس
عن الجنس الاخر
كراجات التزويد وعن السيارات بشكل عام
,,
انا ابا ارمس عن النقطة الثانية لاني اشوفها اكثر نقطة تتحول الى حيّز التنفيذ !
تحصلك واحد يالس في البرزة ماله خصص بهالسوالف مسكين وفي حاله وعقب فترة يطيح في فخ الحرام
والسبب انه كان يسمع للشباب اللي كانوا يسولفون عن قصص المغازل وفلان رقّم وواعد وفلان سافر وفلان سوا وسوا …. ويوم بعد يوم عيبته السالفة وكبرت في راسه وقرر انه يجرّب اللي كان يسمعه , عيل فلان احسن عني في شو ؟!
جرّب الحبيب وتعرف واكتفى بالتلفون في البداية وعقب فترة قرر انه يطلع مع البنت وعقب فترة طاح في الحرام !
شو السبب ؟ السبب اول شيء ضعف ايمانه والسبب الثاني انه ما انكر على ربعه اللي المفروض انه يفارقهم اذا كانت هذي علومهم لكنه للاسف سايرهم , والسبب الثالث انه شاب ومرتاح ماديا وداعي الشهوة موجود عنده . وفي الاخير دش في حفرة صعب انه يطلع منها الا اذا ربي هداه !
,,
هذي هي خطوات الشيطان , step by step
والواقع الحين وايدين من شباب البلاد صار عليهم ضغط مب طبيعي
في المول في الدوام الشارع في وايد اماكن
صار مطلوبا متزوجاَ او غير متزوج
وهم خاطرهم يعرسون لكن تفكيرهم في المصاريف قبل وبعد العرس خلاهم يهونون ( اطري البعض والا فالمجال مفتوح )
وفي الاخير لجأ البعض انه يعيش مع ربيعته عيشة الازواج
صدقوني الحين هناك شباب يعيشون بهالطريقة !
الموضوع يمكن يكون حساس
لكنه عن فئة موجودة متصوره انه عادي انه الواحد يعيش مع بنت في الحرام
واذا نصحته بيقولك
حد قالك اني بدخل الجنة !
تصوروا لأي درجة هو قانط من رحمة الله !
ياخوي انت لو زنيت مليون مرة وتبت الى الله ربي بيتقبل منك اذا التزمت بشروط التوبة النصوح والايمان وان يعمل عمل صالحا +
الاقلاع عن الحرام والندم عليه والعزم انه ما يرد له مرة ثانية ورد الحقوق الى اهلها وانه يتوب قبل ان تصل الروح الى الحلقوم .
الى اي شاب دخل في هالطريق اقوله راجع نفسك
قبل لا تموت , يمكن تكون نهايتك وانت مسرع وتدعم وتموت ونيتك انك تزني فهل تبا تلقى الله تعالى ونيتك **** !!
كلام فى غاية الرووووووووووووووووووووووووووعه
كل الشكر والتقدير
وايدين من الناس بسبب العولمه استوى عندهم انحطاط خلقي واخلاقي
وانفساخ ديني تلقاه يسولف في هالامور وهيه عنده مثل سيرة العزبه
الزنا متفشي في هالزمان الله تستر على الناس
حتى الشيبان بعد
الــصـــاحب ســاحــب
استغفرا الله من هالفئة من الشباب ليش يسوون وجدي احسن يتزوجها بالحلال لا يعيش معاها بالحرام
بس ماقول غير انوالوازع الديني مفقود عندهم وراسهم الف سيف يسوون الي هم مقتنعين فيه وطبعا الصاحب ساحب
ربي يهديهم وينور طريقهم من اجل مرضاة الله
شـكــ وبارك الله فيك ـــرا لك … لك مني أجمل تحية .