السلام عليكم و الرحمه
مساكم الله بالنووور و السرووور
خلوني اخبركم ما حدث اليوم
كنا متيمعين انا و ربيعاتي كالعاده ..و دق تلفون وحده ..شلته و يلست تسولف و الا شوي اشوفها بققت عيونها و تصارخ
ربيعتها كانت متصله و قالتلها يا فلانه ترا شفت صورتج في فيديو يتداولونه الشباب عبر البلوتوث !!
البنت وحليلها مؤدبه و ما عندها سوالف و حركات..قلنا يمكن مب انتي خلها تطرشه ..ما قدرت تطرشه بالام ام اس ..فاتصلنا فيديو كول و خليناها تشغل الفيديو…و الفيديو و العياذ بالله جميع انواع البنات المنحطات ..و بينهم صور بنات مواطنات بشيلهم و عبيهم …من ضمنهم صورة ربيعتنا و شكلها الصوره جديمه من ايام الكليه ..و هي بشيلتها و عباتها و بدون مكياج حتى ..شكلها الصوره من صور الكليه و ما اعرف كيف الجلب اللي سوى الفيديو وصللها
عشان اوضحلكم نوعية الصور يكفي ان اول صوره في الفيديو وحده تشرب خمر..الله يعزكم و صور بنات بلبس فاضح و شرات ما قلت مدسوسه بينهم صور بنات عاديات ..للاسف من ضمنهم ربيعتنا
طبعا ربيعتنا انصدمت صدمت حياتها و جلبت اليلسه صياح و مناحه و تصيح تقول منوو بياخذني و سمعتي اختربت و راح مستقبلي
انا توني راده البيت و ربيعتي غامضتني وايد …مب حرام واحد حيوان شرات هذا يسوي فيديو بس عشان يحشيه و يترسه صور ييلس ايمع صور بنات ناس و يحطهم
ما اقول غير حسبي الله و نعم الوكيل فيه و الدنيا دواره اليوم يلعب باعراض بنات الناس باجر بيشوف شو بييه..هو و غيره من الشباب اللي يتداولون هالامور
تتوقعون تخبر هلها؟؟ و الا تسكت و تاكل تبن
انا اقول شو فايدة البلبله الا زيادة الفضيحه
انا وايد معصبه ما اقدر حتى اعبر في الموضوع ..بتصل حق ربيعتي اتطمن عليها لا اييها انهيار عصبي و الا تنجلط
ابا اشوف رايكم في الموضوع
لا حول ولا قوة إلا بالله
الله يعينها على ما بلاها
والدنيا دوراه والله فوق ويشوف كل شي واللي سوى هالبلبلة صدقيني عمره ما راح يرتاح لا بدنيته لا بآخرته
حسبي الله ونعم الوكيل
امممم !!
لا حـول ولا قـوة إلا بــالله
أشـوف إنه ربيعتـج لازم تعــرف مصـدر هالفيــديو ،، عشـان اتــوديهم في 60 داهيــه !!
لأنـه إذا ســكتت ،، بيتمــادون مع نــاس غيــرها !!
حبيبتــي ،، هالشياطين لازم نرقعــهم بعيــن حمــرا ،، عشــان يلزمــون حــدودهم ،، ويعــرفون بــأن الله حــق !!
أولاً ،، لازم تســأل البنت اللي اتصــلت بهــا ،، من ؟؟ وويـن ؟؟ ومتى ؟؟ والــخ !!
ماينـدرى !! يمكن هالــبنت اللي اتصــلت بها ،، هيه ســاس البــلا !! << هالزمن ،، مب كل حد يستــاهل الثقه !!
ومثـل ما قـلتي هالصــور من أيــام الكليــه !! هالغــلط اللي للأســف البنــات يتهــاونــون فيه !! خـاصه أيــام البــازار !! الفيــديوهـات شغــاله طـول الوقــت ،، وضــرب zoom على البنـــات !!
والبنـات بعضهن على عمـى عينهــن ،، اللي ماخــذه راحـتها بزيــاده !! الشيـله على الجتــف ،، واللي عبــاتها على خــصرها ،، واللي فــاله الشعــر يميـن ويســار ،، والخ والخ !!
لا حـول ولا قـوة إلا بــالله
نصيحتـي ،، اتخبــر حـد فــاهم من أهلــها !! يعـني مثلاً إذا كــانت مقـربه من أخــوها العــود ،، أو حـد من خــواتها الكبــار !!
الله يهــونها عليــها يــارب ،، وربي يســتر عليــنا وعلى جميــع البنــات
حسبي الله ونعم الوكيل
ناس ماتتقي ربها ولا تخاف
يمكن تشابه بسيط وملامح الوجه تتشابه
والله بستر على الجميع ان شاء الله والنصر على الظالم
حسبي الله ونعم الوكيل من هالناس..
في هالامور يفضل انها تشرح لريال له ثقل ومتفهم وعاقل في العايلة وتوضح له كل الامور وعن تركيب الصور مع صور بنات مالها علاقة بهن..والريال هو يواجه العايلة بحقيقة الصور لانها ما اظن تقدر تواجهم وموقفها بيكون ضعيف.
قبل اي خطوة لازم تشوف الفيديو بنفسها وتتأكد…
الله يستر عليها ان شاء الله…