مرحبا شخباركم …حبيت اسال من كم سنة كانت القرية العالمية دوووم زحمة حتى في ايام الاسبوع ولكن الحين القرية العالمية فاااضية ما عدا الويكند .. و ساعات حتى في الويكند ما تكون هناك زحمة ….
اكيد لكل وااحد منا وجه نظر … شو مستوي علشان ننقل الصورة لأدارة القرية العالمية و مشكورين
…
كتاجره مشاركه في القريه العالميه بطرح وجهة نظري
السبب الاول و الاهم في تناقص عدد زوار القريه العالميه هاي السنه هو جشع ادارة القريه و زيادة الاجارات السنويه على المشاركين و هذا الشي ادى الى رفع الاسعار عشان الواحد يقدر يغطي قيمة الايجار و يربح ايضا
شي ثاني ان اي واحد بيفتح محل في القريه يحتاج بياعين للمحل ..و هاييل ايضا زادو معاشاتهم وصلت في بعض الحالات فوق الدبل عن السنه الماضيه
عموما رفع الاسعار مب بكيف التجار ..ترا التاجر يبا يربح مب يدفع للايجار و للعمال و فوق هذا ديكور و طاولات المحل و فوق هذا يبيع بخساره؟؟ عيل ليش يتاجر ييلس في بيتهم احسلهم
المشكله كلها في ادارة القريه اللي متخبلين على البيزات و كل سنه زادو الاسعار و لا شي تشجيع للمواطن و لا بطيخه ..حتى مشاريع دعم الشباب قبل لا تبتدي القريه يقولون تعالو سجلو و بنشل عنكم نص جيمة الايجار و يوم استفسرنا قالو دفعو رسوم تسجيل 7000؟؟ طبعا من دون جيمة الايجار الي بندفعها من جيوبنا ايضا..شو انتو كل شي عندكم ادفع ادفع ادفع؟؟
المواطن حيلاقيها منين و الا منين؟؟ ما يشوفونا نصيح بالمالحه و هم واقفيلنا على روسنا هاتو بيزات و هاتو بيزات …و تقولون ليش المواطن يوم يسوي بزنس ما ينجح في هالبلاد ..لكن لو حد غيره بيستوي مليونير و التسهيلات بليا قياس
الموهيم ظهرت عن الموضوع لووول
يمكن هالايام لان مطر و برد بعد فعشان جي ماشي وايد كستمرز
و الفالي باركنج ب 40 يعني زياده 10 عن العام و الدخول ب 10 يعني زياده خمس عن العام
و بطاقة الفي اي بي للدخول << يعني اللي تدخل بها القريه مجانا بدال ما تدفع عشر ما يقبلونها الا عند بوابه رقم واحد
يعني بكل بساطه يوم العاقل يفكر فيها شوي يحس ان الموضوع صار كله نصب و احتيال و يبون يظهرون بيزات من تحت الارض
من غير حركات الاحتكار اللي يسوونها ..يأجرون قريه كامله على شخص واحد و هو يأجرها بكيفه و بالسعر اللي يباه؟ ها يسمونها مصخره ..المفروض يكون في قانون يمنع اي شخص من تأجير اكثر من 3 محلات ..مب يشل قريه بكبرها و يتاجربها ..شو هالمصخره؟؟
تعبت من الكتابه ..اذا تذكرت شي ثاني برد عشان اتحرطم
اخر مرة دخلت القرية قبل 3 سنوات وكان اخر يوم …
منتجات مالها علاقة بالجناح المخصص لكل دولة..واغلبها محلات عادية وبعضهم يمتلكون اكثر من محل في اكثر من جناح…
وجود القرية كانت اساسها ترويج منتجات تخص كل دولة، لكنها شيئا فشيئا غلبها الطابع التجاري..لا المنتجات لها علاقة بالجناح ولا الاسعار مشجعة..طمع إدارة القرية من جهة والتجار من جهة…والنتيجة تراجع اقبال الناس على القرية.
والله انا من نفسي ايي بس أظن ان السبب هو
أنا الي راح مرة شاف كل شي وبس قال هذا يكفي
اليوم كنت هناك
احسبها خاليه موب نفس قبل ايام الاعياد و المناسبات الوطنية
ملاحظتي هي
1- اسعار المواقف الخاصه 40 درهم
2- ارتفاع اسعار السلع (( يمكن رافعين الايجار عليهم ))
3- اسعار تذاكر الالعاب غاليه
4- المطاعم غاليه
5- يمكن المواصلات الى القريه..قي ناس ما عندها وسيله مواصلات الى القرية
6- الازمه المالية و السيولة… كل واحد يحافظ على بيزاته (خخخخ)
اذكر القريه العالميه.. ايام ين كانت في القرهود…كانت رخيصه و الاقبال عليها بالالاف يوميا
يمكن هاي الاسباب….
تحياتي
اتوقع الناس ما تحب الزحمة؟وهذا الي مخوفنهم