زووار القريه العالميه …تعالوا ابغيكم اشويه ..شو اتفضلون؟؟؟
حبيت اخذ رايكم
متى اتحبون اتسيرون القريه العالميه
على الساعه 4 (يعني اول ما تفتح القريه)
عقب المغرب
عقب الساعه 10
وشو الايام الي اتفضلونها
الويكند
الايام العاديه
يوم العائلات
هل القريه الاماراتيه بشكل عام اتحبون اتزورونها او انكم اتفضلون القرى الثانيه لان اغلب المحلات الي فيهن يايين بس حق المهرجان يعني مالهم محلات في الدوله،،مثل الكويتيه والتايلنديه واليمنيه وغيرها من القرى
هل اتفضلون تشترون من المحلات المعروفه او
من المحلات الي فقط تفتح في المعارض ومالهم محل ثابت؟؟
اتحبون تشترون من البايع الهندي او وحده وافده لابسه لبسها العادي
او البنات الي لابسات شيل وعبي كانهن مواطنات؟؟(سوال مهم )
لاني موقفه وحده في المحل اندونيسيه
وايدات شارن عليه
اني اوقف وحده من البنات الي يلبسن شيله وعباه يجذبن اكثر الزباين؟؟؟!!!
وانا الصراحه استخرت وما ارتحت
لاني احس انها اتمثلنا فما يندرى شو اتسوي
اترياكم خواتي واخواني
ردودكم بتفيدنا وايد
عندي سؤوالين
لين أي تاريخ القرية العالمية مستمرة …
وثاني سؤوال :
وين محلكن يا أم خليفة …؟
دورت ..دورت عليه وما كنت أحصله ….؟
دليني على مكانه …
وأدعو لكم بالتوفيق وسعة الرزق
بالتوفيق يا ام خليفه …
اختي ام خليفة
فكرة الاستبيان جدا رائعة…. وهي طبعا احدى اهم وسائل معرفة الرأي العام
اتمنى يفيدك الجميع … وتتوفقي ان شاء الله في تجارتكك
رأيي الشخصي…
كلما كان البائعة او البائع بشوش ومبتسم ويرحب بالناس …كلما كان هذا الشيء عامل جذب… يعني انا
بكل صراحة وين ما اروح لو بدفع درهم ولاّ عشرة آلاف احب اللي يبيعني يرحب بي ويهتم…ف التعامل هو
الاساس… يعني كيف لك نفس تشتري من حد واقف مبوز ولا يسألك شو تريد ولا كيف ممكن اخدمك !!!
اوقات الزيارة بالنسبة لي ..كنت ازورها العصر في كل الايام بحكم الشغل ..كان مطلوب منا عمل مواضيع
للجريدة بشكل يومي … لكن الوقت المناسب لي شخصيا هو اول العصر قبل الزحمة…اقدر اشتري واكاسر
واتمشى براحتي بعيد عن الزحمة وانتظار الدور
وكما قال احد الاخوان…الهدية او العينة المجانية مهمة جدا في عالم التسويق مهما كانت بسيطة
اتمنى اكون افدتك..
كل التوفيق ان شاء الله
صدقت اخوووويه و كلامك درر
لا المواطنه بتيب الرزق و لا الاندونيسيه
رب العالمين هو الرزاق
تسلمووووووون على المرور