اتصدقون من البارحه مب قادره ارقد عدل ،
ومقهوره موووووت منكم يا الرياييل

مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه

اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي

يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،

البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!

اتعرفون شو صار فيني ،،،،

دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !

الحين عاد بتطلع فئة انصار الزواج من الثانيه وبيقولون له اسبابه

شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،

اتصدقون والله رديت البيت وانا فيني غبنه ،،،

واقول

احس الرياييل مالهم امان

خبروني ليش الرياييل يسوون جيه ليش !

وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته

وفي النهاية (مالكم امان يا الرياييل )

244 thoughts on “ريلي أتزوج علية :(”

  1. غلا بو خالد .. ها وأنا صايمة ان شا الله ريلج يتزوج عليج وناخذ من تجاربج في كيفية التعايش مع الزوجة الثانية

  2. اذا حد يعرف طريقة لقتل الغيرة >> يوصفها للحريم …

    لأن الغيرة تذبحنا ذبح

    مب بس بنخليه يعرس وياخذ وحده بعد لو يبا 4 بنضحك

  3. دآمـ ان دآس على قلبهــآ

    عليهـآ ان تستعيد زوجهآ بشتى الطرق و تمحي الدوس اللي في قلبهـآ .. مب تـآخذه الثـآنية منهـآ

    و طول مـآهي عآيشة قلبهـآ مندوس أقصد بتحس بأثر الدوس اللي دآسهـآ ريلهـآ على قلبهـآ

    الله يقطع بليسك غلوو

    …
    وصدقيني ماراح تحس بأثر الدوس

    لانه لو كان قلبها يغليه صدقيني بهالدوسه بيقتله

    وماعاد تفرق معاها ..

    …
    غلوو مو كأننا بدينا نخبص

    __________________

  4. عني أنا باخذ 4 حريم … السبب الأول أنه حلال … وواجب وجود العدل … وثاني شي أمر وراثي

    يعني موضوع لا مفر منه

  5. ولازم الحرمه بعد ماتنسى نفسها …..بحجة البيت والعيال والدوام لازم توفق بيت متطلبات بيتها وعلاقتها الخاصه بينها وبين زوجها…لازم يكون لها رأي ولازم زوجها يحترم رأيها مب معناه إنها تخلافه ويصير الموضوع بس عناد بينهم….
    والريال لازم يحترم حرمته ويقدرها ويشيل المسوؤليه بمعنى الكلمه ولا مافي داعي يزوج..
    :::::
    تحياتي………..

Comments are closed.