اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
يقول الشاعر في هذا الشأن:
بالتوفيق إن شاء الله وشكراً … و بارك الله فيك و لك مني أجمل تحيّه
لقد سعدت بهذ الخبر و إني … قائلٌ كيف حالك، وانته خلّك عـ السجيّه
__________________
ماتكون متعني ومتصرف إذا مارديت هالرد
….
للأسف الرجل مايحس بمشاعر المرأه
أي وحده بتسمع أنه وحده زوجها تزوج عليها على طول بتحط نفسها مكانها
ومابالغت يور سول لما حست بهالاحساس ولما قالت أنه عينها دمعت..
__________________
دآمـ ان دآس على قلبهــآ
عليهـآ ان تستعيد زوجهآ بشتى الطرق و تمحي الدوس اللي في قلبهـآ .. مب تـآخذه الثـآنية منهـآ
و طول مـآهي عآيشة قلبهـآ مندوس
أقصد بتحس بأثر الدوس اللي دآسهـآ ريلهـآ على قلبهـآ
__________________
نحن مب ضد اللي بيعرس اذا الحرمة مقصرة ومب عارفة قيمة ريلها
حلال عليه .. بس اذا الوحدة موفية حقوقه ومريحتنه وطايعتنه ومجابلتنه ومجابلة بيته ويقولها عرست عليج … بييها هبوط من الصدمة …
أنا من وجهة نظري مع إحترامي لكل الحريم….أن الرجل من حقه الزواج باخرى بس لازم وجود اسباب تخليه يزوج….
غير هالشي حلات الثوب رقعته منه وفيه وبنت البلاد أبرك لولد البلاد……والراحه مب عند المغربيه ترى في البدايه ادلعه وبعد ما تتمكن منه وتفضي جيوبه تقبضه الباب هذا إذا ما وقفته بالمحاكم…ولو بنت البلاد سوت حركات لريلها ودلعته قال من وين تعرفين هالعلوم…..
والله حاله….واللي يقصر ببيته وعياله … هذا إنسان ماعنده حس المسوؤليه ولا جد زواج و عيال وبيت……
وبنات البلاد مب قاصرنهن شي . بس الريال قبل لا يقكر يزوج..
يختار البنت المناسبه له ولا يبهدل معاه بنت الناس والعيال إذا كان بينهم عيال… لا ننسى الحب والتفاهم من أسباب نجاح العلاقه الزوجيه….
ودمتم…اختكم الغصون…….