ريلي أتزوج علية :(

244 thoughts on “ريلي أتزوج علية :(”

1. الله المستعان يا بنت الحلال

2. السلام عليكم ورحمة الله

   أنا من وجهة نظري .. يتزوج الثانية والثالثة والرابعة .. أهم شي يعدل وبسسسس

   بخصوص سالفة الحرمة هاي ..

   شي حلو انها تهتم في مستقبلها وتكمل دراستها .. عشان تضمن مستقبلها ..

   بس اللي قهرني فالموضوع .. الريال !! بغض النظر عن جنسية لي خذاها ..

   ما أريد حد يزعل من وجهة نظري .. أنا حرة فيها .. بس أشوف لو الريال عرس بالثانية ياخذها من بنات بلاده

   إلا إذا كان قدره ياخذ وحده رخصية .. هذا شي ثاني ..

   والسمووووحة ^^

   على فكرة .. في الدوام مرات تمر علي حالات .. وأعرف من الزوج انه متزوج ثانية وبالسر !!

   طبعاً نكون محتاجين تحديث لبياناتهم .. ف أنصعق باللي اشوفه .. يا كثرهم اللي متزوجين بالسر ..

   وهذا ضعف منهم .. من إنه يواجهون الزوجة الأولى والمجتمع بكبره ..

   وخاصة لو كانت جنسيتها من هالجنسيات اللي الواحد يستحي انه يفتخر بنسبهن .. والسموحة مرة ثانية ..

3. ومب كل من تزوج معناته العيب من الزوجه ، والله ياما حريم مب مقصرات في رياييلهم بس رياييلهم عيونهم زايغه،

   وعن الخيانه الزوجيه ، ان خانها يستاهل هو الخيانه بعد

   الأخت الكريمة
   أسعد الله مساؤكِ و الأخوة و الأخوات القراء الكرام بكل خير

   هل خيانة الزوج لزوجته مبرر كاف لخيانته
   ماهذا التعريف و هذا المبرر المقيت
   و إن كان هذا الزوج لايستحق الوفاء برأيك
   سمعة أسرتها أيضاً لاتستحق الوفاء .. أبنائها أيضاً لايستحقون الوفاء ..
   نفسها أيضاً لاتستحق الوفاء ؟؟؟..

   الخائنة فقط هي من تخون
   و لامبرّر أبداً لفعل الخيانة

   __________________

5. السلام عليكم ورحمة الله وبركاته

   الله يهدي ويصلح حصل في الموضوع سباب وتطاول وخبصه مالها داعي

   الشرع شي ومزاج البعض منا شي اخر

   اتقوا الله في ماتقولون وابتعدوا عن الاثم تراه في يوم مابينفعكم كلامكم ولا تطاولكم وقت الحساب وتحت الارض

   الله يهدينا ويهديكم وذكروا الله

   إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا ﴿72﴾
   من سورة الاحزاب

   وارد على اعتراضكم على الزواج وقسمته بهذى الايه واستدلوا منها بقوله وفقكم الله

   {وَلَوِ اتَّبَعَ الْحَقُّ أَهْوَاءهُمْ لَفَسَدَتِ السَّمَاوَاتُ وَالْأَرْضُ وَمَن فِيهِنَّ بَلْ أَتَيْنَاهُم بِذِكْرِهِمْ فَهُمْ عَن ذِكْرِهِم مُّعْرِضُونَ} (71) سورة المؤمنون

   وهنا ان الانسان عليه ان لايتبع اهوائه وفكره وطمعه بل عليه بالحق والحق هو شرع الله وسنه نبيه صلى الله عليه وسلم

   وفقنا الله وياكم الي الخير والهدى والصلاح

   والسلام عليكم ورحمة الله

   والمعذره ان كان كلامي يغضب احد ولكني ارغب اليكم بالنصح

   في امان الله

Comments are closed.