اتصدقون من البارحه مب قادره ارقد عدل ،
ومقهوره موووووت منكم يا الرياييل

مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه

اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي

يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،

البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!

اتعرفون شو صار فيني ،،،،

دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !

الحين عاد بتطلع فئة انصار الزواج من الثانيه وبيقولون له اسبابه

شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،

اتصدقون والله رديت البيت وانا فيني غبنه ،،،

واقول

احس الرياييل مالهم امان

خبروني ليش الرياييل يسوون جيه ليش !

وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته

وفي النهاية (مالكم امان يا الرياييل )

244 thoughts on “ريلي أتزوج علية :(”

  2. عيل شو رايج…أنا واقفة على الكاونتر بكارفور..

    ووحده لا أعرفها ولا تعرفني…كانت مقهوورة..

    وأتخبرتني…عرس عليا…خا وافدة…ودوم يتخبرني أنه بالدوامـ…

    غمضتني الصراحة..تميت أفكر فيها…والفلبينية تزقرني…تبا الحساب..

    وأنا اتطالعها الفقيرة…وأتحسب ع الرياييل…ما عرفت شو أرد عليها..

    لكن هالمغربيات…أعوذ بالله منهن…أمهات العمل والطبوبة والسحر…خله تفقره..عله الفقر..

    عشو ما خذتنه..من زينه..عشان فلوسه..يوم بيفلس..بترفسه أشد رفسه..

    لكن..الشره هب على المغربيات..

    والشره على اللي يربع وراهن..

    وكل حد ياخذ مثله..

    (الطيبات للطيبين…والخبيثون للخبيثات)

    والله المستعان،،

  3. عزيزتي مب من شروط المتقدمـ بان تكون الفتآة جميلة

    أهمـ شي الـأخلـآق و جمـآل الروح

    لـأن جمـآل الشكل جمـآل زآئل

    امـآ جمـآل الروح جمـآل دآئمـ

    جمآل الروح هو أللي يحلي الانسـآن و ليس جمـآل الشكل

    قصدت المعنيين يالغالية
    __________________

  4. من وجهة نظري المتواضعة بان الريال

    لاينصف بين الحرمتين ونفس مقالت كل مااسأله عن الفلوس يقول ماعندي

    اذا هو ماعنده افلوس شواللي خلاه يزوج الثانية

    واكثر البنات من هالجنسية يغازلون الرياييل وقصص حب وغرام ومعروف عنهم بالسحر

    يخلون الواحد يتعلف فيهم

    الكثير من الشباب الله يهديهم اللي ماخذ رقاصه او تشتغل في المراقص

    في هالاماكن يتصيدون الشباب حتى اللي يشتغلون في في السناتر او في الدوائر الخاصة

    والعاقل قبل كل هذا يفكر في زوجته وعياله ويجطي لهم الف احساب

    عاطفته جرته وطغت على عقله

    فتزوج بالسر مافكر بالعواقب الوخيمة

  5. على فكرة .. مب كل وحدة ما ياها نصيبها للحين.. يعني إنها مب حلوة أو فيها عيب ..

    و لا كل وحدة عرست سبت إنها ملكة جمال القوقاز و ضواحيها..

    في بنات والله لو تحط الوحدة منهن بكفة .. و تحط في الكفة الثانية عشر حريم متزوجات .. جان رجحت كفتها

    بس على قولت المثل .. كل حبة مسوسة لها كيال أعور ^_^

    بس تعرفون شو اللي يحصل أحيانًا … الكيال الأعور، ممكن فجأة يردله الشوف و يدور الحب النظيف الصافي ^_^ و هذا اللي يزعل الحريم

    و كلها أرزاق بالأخير ،،،

    عزيزتي مب من شروط المتقدمـ بان تكون الفتآة جميلة

    أهمـ شي الـأخلـآق و جمـآل الروح

    لـأن جمـآل الشكل جمـآل زآئل

    امـآ جمـآل الروح جمـآل دآئمـ

    جمآل الروح هو أللي يحلي الانسـآن و ليس جمـآل الشكل

    __________________

Comments are closed.