بسم الله الرحمن الرحيم
اخواني الاعزاء,,
ياليت كل واحد يعطينا على حسب تجربته ما هي القوارب اللي
يفضلها للغزر ويتمناها ساعة الموج العالي…. مع ذكر مقاس الطراد.
والقوارب اللي يتمناها تكون عنده في مناطق الرق
وحق الاسياف اللي مافيها غزر مع ذكر مقاس الطراد.
ملاحظه..,,…,,
ياليت يا اخواني تذكرون لو بعض الاسباب اللي تخليكم تفضلون طراد الغزر والموج و طراد الرق والاسياف.
تحياتي لكم
مرحبا البالول
طبعا ما في شي في البحر يستوي بالساهل لازم بطلعت الروح ولا انته نسيت قصص ومعاناة اخونا العزيز الكدن الي الحينه بيسونها فيلم في هوليود.
المهم صعدنا الطراد على القالوصه ولانها قصيره اشوي الوزن والثقل تم ورى وارتفعت السياره وما طاعت تطلع من المنزال الا عقب ما قلصناه بسيارتين.وعقب ما طلعناه ضبطت القالوصه وطولناها على قياس الطراد لكن الغلطه الي سويناها انه بطلنا القالوصه من السياره والله انزلت السياره تقريبا نص متر الحينه لازم انركب القالوصه على السياره وانزل الطراد في الماي عشان انجدم الطراد وانركبه صح على القالوصه.وقمنا وحطينا جيكين عشان نرفع الطراد من ورى وانزله من جدام على السياره وعدنا بوفيصل المسكين نقع ضلع من ضلوع صدره عقب ما ضغط على عصاة الجيك المهم ركبناه على السياره ونزلناه بحر ووقفناه على القالوصه عدل وطلعت جنه امفصله حق الطراد والحمد الله الحينه امخلنه ينشف وناوي خلال هاليومين اسجله وبدش فيه بحر والتضبيطات انشاالله في الصيف.وانتهت القصه وبوفيصل سار المستشفى وسووله اشعه وقالوله ضلعه بيرجع ابروحه.
تسلمون على المشاركه يا اخواني …
بالوول,,,
بن منصور,,,
صلاح,,,
وياليت اللي دشوا وقروا الموضوع انهم شاركوا ,,,
حتى نستفيد ومايبخلون علينا بخبرتهم في الطراريد..
عموما انتظر تدلي بدلوك اخوي صلاح بعد تجربة المبروك.
تحياتي لكم
مرحبا بو راشد بشر شو سويت فى الوحش 0
مرحبا بوجسيم ، لازم أنجربه قبل عقب بنحكم عليه 0 سلامى للسلعاويه